Тошкентнинг Шайхонтоҳур туманида тўртта машина иштирокида ЙТҲ юз берди. Бу ҳақда пойтахт ИИББ ЙҲХБ матбуот хизмати хабар қилди.
1 ноябрь куни соат 17:15 ларда туманнинг Бунёдкор шоҳкўчасида 1975 йилда туғилган Б.К. Lacetti’ни бошқариб кетаётиб йўл четида тўхтаб турган Spark автомашинасига бориб урилган. Натижада Spark ўзидан олдинда тўхтаб турган Cobalt’ни, Cobalt эса зарб натижасида ўзидан олдинда турган Lacetti’ни уриб юборган.
Оқибатда биринчи Lacetti ҳайдовчиси Б.К. тан жароҳатлар билан шифохонага ётқизилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Изоҳ (0)