Андижон вилояти Марҳамат туманида тадбиркорнинг мулкини қўлга киритган МЧЖ раҳбари аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Марҳамат туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Унда О.Э. МЧЖ раҳбари А.Ю. ва бошқалар Ч.Э. МЧЖнинг 481,3 миллион сўмлик кабел маҳсулотларини алдов йўли билан қўлга киритгани ҳамда 175,3 миллион сўм солиқларни тўлашдан бўйин товлаганликлари аниқланган.
Мазкур ҳолат юзасидан Жиноят кодексининг 168-моддаси (фирибгарлик) ва 184-моддаси (солиқлар ёки йиғимларни тўлашдан бўйин товлаш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)