Финляндия электр энергиясини ўчиришга тайёрланмоқда. Агар ушбу ўчиришлар режага асосан амалга оширилмаса, аҳолининг совуқдан ўлиш хавфи юзага келади. Бу ҳақда мамлакат миллий электр тармоқлари операторига таяниб, «Коммерсантъ» хабар бермоқда.
Маълумотларига кўра, Россия энергетикаси умумий энергия таъминотининг кичик қисмини ташкил қилади, аммо бу йўқотиш салбий оқибатларга олиб келиши мумкин.
Россия май ойида Финляндияга электр энергияси ва газ етказиб беришни тўхтатиб қўйган, чунки тўловларни қабул қилишда қийинчиликлар юзага келган.
Финляндияда қишки ҳарорат кўпинча -20 даражадан пастда бўлади. Қишки ойларда Хелсинкида қуёш кунига олти соатдан камроқ вақт давомида порлайди, — дея таъкидлайди агентлик.
Шундай қилиб, мамлакат энергияни ўчиришга тайёр. Расмийлар электр таъминотида узилишлар юз берганда нима қилиш кераклиги ва уйда қандай материалларни сақлаш кераклиги ҳақида кўп йиллар давомида аҳолига огоҳлантиришлар бериб келади.
Изоҳ (0)