Ташқи ишлар вазирлиги расмий вакили Сеулдаги тиқилинчда бир нафар ўзбекистонлик жабрланганини маълум қилди.
Қайд этилишича, 2022 йил 30 октябрь соат 12: 00 даги ҳолатга кўра, Итхевон кўчасида юз берган воқеа оқибатида ҳалок бўлганлар орасида бир нафар Ўзбекистон фуқароси қайд этилган. Яна бир ўзбекистонлик жароҳат билан шифохонага ётқизилган, унинг аҳволи қониқарли деб баҳоланмоқда.
«Вазият элчихона назоратига олинган, марҳумнинг жасадини ватанга олиб келиш билан боғлиқ консуллик-ҳуқуқий ва ташкилий масалалар ҳал қилинмоқда, Ўзбекистон фуқароси жойлашган тиббиёт муассасаси билан доимий алоқада ўрнатилган», — дейилади хабарда.
ТИВ вакили Жанубий Кореяда бўлган Ўзбекистон фуқаролари зарур ҳолларда Ўзбекистоннинг Сеулдаги элчихонасига мурожаат қилишлари мумкинлигини эслатиб ўтган.
Изоҳ (0)