Tashqi ishlar vazirligi rasmiy vakili Seuldagi tiqilinchda bir nafar o‘zbekistonlik jabrlanganini ma’lum qildi.
Qayd etilishicha, 2022-yil 30-oktabr soat 12: 00 dagi holatga ko‘ra, Itxevon ko‘chasida yuz bergan voqea oqibatida halok bo‘lganlar orasida bir nafar O‘zbekiston fuqarosi qayd etilgan. Yana bir o‘zbekistonlik jarohat bilan shifoxonaga yotqizilgan, uning ahvoli qoniqarli deb baholanmoqda.
“Vaziyat elchixona nazoratiga olingan, marhumning jasadini vatanga olib kelish bilan bog‘liq konsullik-huquqiy va tashkiliy masalalar hal qilinmoqda, O‘zbekiston fuqarosi joylashgan tibbiyot muassasasi bilan doimiy aloqada o‘rnatilgan”, — deyiladi xabarda.
TIV vakili Janubiy Koreyada bo‘lgan O‘zbekiston fuqarolari zarur hollarda O‘zbekistonning Seuldagi elchixonasiga murojaat qilishlari mumkinligini eslatib o‘tgan.
Izoh (0)