Футбол бўйича Англия Премер Лигасининг 14-турида «Ливерпуль» 29 октябрь, шанба куни «Лидс»ни қабул қилди.
Учрашувнинг 4-дақиқасида Родриго ҳисобни очди. 14-дақиқада Муҳаммад Салоҳ мувозанатни тиклади. Биринчи бўлимнинг қолган дақиқаларида дарвозалар ишғол этилмади. Иккинчи бўлим «Ливерпуль»нинг назорати остида ўтаётган эди, бироқ 89-дақиқада Саммервилл «Лидс»га ғалаба келтирувчи гол муаллифига айланди.
«Лидс» ушбу ғалабадан сўнг очколари сонини 12 тага етказиб, 15-ўринни эгаллаб турибди. Мерсисайдликлар эса 16 очко билан 9-поғонадан жой олди.
АПЛ
14-тур баҳси
29 октябрь, шанба
«Ливерпуль» – «Лидс» 1:2
Голлар: 0:1 – 4 Родриго, 1:1 – 14 Салоҳ, 1:2 – 89 Саммервилл.«Ливерпуль»: Alisson, Александер-Арнольд (Милнер, 79), ван Дейк, Гомес, Робертсон, Эллиотт (Жонс, 60), Тиаго Алькантара, Фабиньо (Ҳендерсон, 61), Фирмино, Салоҳ, Нуньес.
«Лидс»: Меле, Кристенсен, Купер, Кох, Стрейк, Рока, Адамс, Ҳаррисон (Нонто, 72), Ааронсон, Родриго (Бемфорд, 52), Саммервилл (Эйлинг, 90).
Огоҳлантириш: Саммервилл (90).
Изоҳ (0)