Футбол бўйича Германия Бундеслигасининг 12-туридан ўрин олган қатор учрашувлар 29 октябрь, шанба куни бўлиб ўтди.
«Бавария» ўз майдонида «Майнц»ни қабул қилди ва 6:2 ҳисобида ғалаба қозонди. Мюнхенликлар таркибида Серж Гнабри, Жамал Мусиала, Садио Мане, Леон Горетцка, Матиас Тел ва Эрик Шупо-Мотинглар гол муаллифига айланди. «Майнц» таркибида Сильван Видмер ва Маркус Ингвартсен ўз ҳисобига гол ёздириб қўйди.
Юлиан Нагелсманн шогирдлари ушбу ғалабадан сўнг очколарини 25 тага етказиб, мусобақа пешқадамлигини қўлга олди. «Майнц» эса 18 очко билан 8-поғонани банд этди.
Бундеслига
12-тур баҳслари
29 октябрь, шанба
«Бавария» – «Майнц» 6:2
Голлар: 1:0 – 5 Гнабри, 2:0 – 28 Мусиала, 3:0 – 43 Мане, 3:1 – 45 Видмер, 4:1 – 58 Горетцка, 5:1 – 79 Тел, 5:2 – 82 Ингвартсен, 6:2 – 86 Шупо-Мотинг.«Бавария»: Ульрайх, Мазрауи, Упамекано, де Лигт (Павар, 46), Дэвис, Горетцка (Забитцер, 60), Киммих, Шупо-Мотинг, Мане (Тел, 76), Гнабри (Коман, 60), Мусиала (Гравенберх, 72).
«Майнц»: Центнер, Видмер, Фернандеш (Белл, 67), Ҳак, Каси, Аарон Мартин, Ли Чже Сон (Фюлжени, 62), Баррейро, Штах (Баркок, 62), Онисиво (Бюргзорг, 76), Буркардт (Ингвартсен, 62).
Огоҳлантиришлар: Фернандеш (34), Павар (88).
Изоҳ (0)