Филиппинда «Налгае» тропик бўрони туфайли 72 киши ҳалок бўлди, табиий офат оқибатида мамлакат жанубий провинцияларида сув тошқинлари юзага келган. Бу ҳақда Офат хавфини камайтириш ва бошқариш бўйича миллий кенгаш хабар бермоқда.
Бундан ташқари, 33 киши жароҳат олган, 14 киши эса бедарак йўқолган деб ҳисобланмоқда.
Ҳукумат бўрон хавфи туфайли минглаб кишиларни эвакуация қилган, унга олдиндан тайёргарлик кўрилган, бироқ «ёғин миқдори кутилганидан кўпроқ бўлди», деди Бангсаморо мухтор тумани ички ишлар вазири Нагиб Синаримбо. Унинг қўшимча қилишича, Дату-Один шаҳрининг ўзида ер кўчкилари остида 80 нафаргача одам қолиб кетган бўлиши мумкин, қутқарув ишлари олиб борилмоқда.
Тайван марказий об-ҳаво идораси бўрон орол томонга қараб йўналиши ҳақида огоҳлантирди. Баъзи синоптиклар маълумотларига кўра, у Тайвандан шарққа қараб кетади, бошқа синоптиклар эса бўрон анча ғарброққа, Тайванга яқин ҳудудларга боришини прогноз қилмоқда. Янада аниқроқ маълумотлар 29 ёки 30 октябрда пайдо бўлиши айтилмоқда.
Бир кун аввал Филиппин жанубидаги сув тошқинлари ва кўчкилар оқибатида камида 31 киши ҳалок бўлгани ҳақида хабар берилганди.
Изоҳ (0)