2018 йилдан бошлаб ҳар йили ўтказилиб келинаётган InnoWeek Халқаро инновацион ғоялар ҳафталиги Марказий Осиёдаги энг йирик инновацион лойиҳалар, ишланмалар ва маҳсулотлар намойиш этиладиган, инновацион-инвестицион шартномалар ва келишувлар имзоланадиган тадбир ҳисобланади.
InnoWeek ҳафталигининг 5 йил давомида ўтказиб келинаётгани, аҳолининг қай даражада оғирини енгил қилмоқда? Сизда ҳам режалар бўлса-ю, уни қандай қилиб инновацион лойиҳага айлантириш мумкинлигини билмоқчимисиз?
«Дарё» жамоаси сизни қизиқтирган саволларга жавобни топади ва махсус репортаж орқали керакли маълумотларни беришга ҳаракат қилади.
Репортажимиз давомида InnoWeek ҳафталиги доирасида ўз лойиҳалари билан ғолиб бўлган иштирокчиларимиздан қатор саволларга жавоб олдик ва йўл-йўриқлар билан танишдик. Тадбиркор Жасур Зокиров ҳафталикда ўзининг танлаб олинган лойиҳаси ҳақида гапирар экан, маҳсулотининг бошқа муқобилларидан фарқи, ўзига хос инновационлиги нимада эканини айтди.
Юқори кучга эга аккумулятор батареяларини ишлаб чиқариш бўйича лойиҳамиз танлаб олинди. Маҳсулотдан тиббиёт, телекоммуникация, мактаблар ҳатто турар жойларда ҳам фойдаланиш мумкин.«Энг яхши ҳудудий ишланма» ғояси бўйича ғолиб бўлган ва бу лойиҳа учун инновация вазирлиги томонидан 1 млрд 265 млн сўм грант ажратилган ишланма муаллифи Муяссар Айимбекова эса ўз таассуротларини қуйидагича ифодалади.Маҳсулотнинг автомобиль аккумуляторларидан фарқли равишда толали сепаратори бўлади. Бунинг вазифаси асосан фавқулодда вазиятларда: шифохона ва бошқа хизмат кўрсатиш объектларини узлуксиз энергия билан таъминлашдир.
Мен энг яхши ҳудудий ишланма ғояси бўйича, туя сутини қуритиш орқали, ноанъанавий сут шаклини ишлаб чиқдим. Лойиҳа озиқ-овқат, доришунослик соҳасига ёрдам беради. Эндиликда қуруқ туя сути, хорижий давлатларга эхпорт қилинади. Ушбу лойиҳа учун 1 млрд 265 млн сўм ажратилди.Сурхондарёнинг Термиз шаҳридан ўз лойиҳаси билан қатнашиб, нафақат маҳаллий балки хорижий ҳамкорлар билан шартномалар имзолаган Замира Нурова эса инновацион ишланмаси сабаб Япония илмий тадқиқот институтига таклиф қилинди.
Ишланма касалликларга қарши Калифорния қизил чувалчангидан зардоб ҳамда суртма ишлаб чиқаришдан иборат. Инновация вазирлиги 600 млн сўм грант ажратди ва 50 киши иш билан таъминланди.Сурхондарёда «афғон яраси» (маҳаллий тилда «пашахўрда») кўп учрайди ва бу яра чиққандан кейин 10-15 тагача кўпаяди. Болаларда тери таносил касалликлари келиб чиқади. Биз мана шундай ҳолатларнинг олдини олиш мақсадида ушбу суртмани ишлаб чиқдик.Ҳозирда Қирғизистон, Қозоғистон, Тожикистон билан шартнома тузмоқдамиз, шунингдек, Беларусь билан 500 млн сўмлик шартнома имзоладик. Бу инновацион лойиҳага япон олимлари қизиқиш билдирди. Айнан мана шу грант лойиҳа ишланмаси бўйича Японияга 11 кунлик лаборатория илмий тадқиқот институтига таклиф қилишди.
Изоҳ (0)