2018-yildan boshlab har yili o‘tkazilib kelinayotgan InnoWeek Xalqaro innovatsion g‘oyalar haftaligi Markaziy Osiyodagi eng yirik innovatsion loyihalar, ishlanmalar va mahsulotlar namoyish etiladigan, innovatsion-investitsion shartnomalar va kelishuvlar imzolanadigan tadbir hisoblanadi.
InnoWeek haftaligining 5 yil davomida o‘tkazib kelinayotgani, aholining qay darajada og‘irini yengil qilmoqda? Sizda ham rejalar bo‘lsa-yu, uni qanday qilib innovatsion loyihaga aylantirish mumkinligini bilmoqchimisiz?
“Daryo” jamoasi sizni qiziqtirgan savollarga javobni topadi va maxsus reportaj orqali kerakli ma’lumotlarni berishga harakat qiladi.
Reportajimiz davomida InnoWeek haftaligi doirasida o‘z loyihalari bilan g‘olib bo‘lgan ishtirokchilarimizdan qator savollarga javob oldik va yo‘l-yo‘riqlar bilan tanishdik. Tadbirkor Jasur Zokirov haftalikda o‘zining tanlab olingan loyihasi haqida gapirar ekan, mahsulotining boshqa muqobillaridan farqi, o‘ziga xos innovatsionligi nimada ekanini aytdi.
Yuqori kuchga ega akkumulyator batareyalarini ishlab chiqarish bo‘yicha loyihamiz tanlab olindi. Mahsulotdan tibbiyot, telekommunikatsiya, maktablar hatto turar joylarda ham foydalanish mumkin.“Eng yaxshi hududiy ishlanma” g‘oyasi bo‘yicha g‘olib bo‘lgan va bu loyiha uchun innovatsiya vazirligi tomonidan 1 mlrd 265 mln so‘m grant ajratilgan ishlanma muallifi Muyassar Ayimbekova esa o‘z taassurotlarini quyidagicha ifodaladi.Mahsulotning avtomobil akkumulyatorlaridan farqli ravishda tolali separatori bo‘ladi. Buning vazifasi asosan favqulodda vaziyatlarda: shifoxona va boshqa xizmat ko‘rsatish obyektlarini uzluksiz energiya bilan ta’minlashdir.
Men eng yaxshi hududiy ishlanma g‘oyasi bo‘yicha, tuya sutini quritish orqali, noan’anaviy sut shaklini ishlab chiqdim. Loyiha oziq-ovqat, dorishunoslik sohasiga yordam beradi. Endilikda quruq tuya suti, xorijiy davlatlarga export qilinadi. Ushbu loyiha uchun 1 mlrd 265 mln so‘m ajratildi.Surxondaryoning Termiz shahridan o‘z loyihasi bilan qatnashib, nafaqat mahalliy balki xorijiy hamkorlar bilan shartnomalar imzolagan Zamira Nurova esa innovatsion ishlanmasi sabab Yaponiya ilmiy tadqiqot institutiga taklif qilindi.
Ishlanma kasalliklarga qarshi Kaliforniya qizil chuvalchangidan zardob hamda surtma ishlab chiqarishdan iborat. Innovatsiya vazirligi 600 mln so‘m grant ajratdi va 50 kishi ish bilan ta’minlandi.Surxondaryoda “afg‘on yarasi” (mahalliy tilda “pashaxo‘rda”) ko‘p uchraydi va bu yara chiqqandan keyin 10-15 tagacha ko‘payadi. Bolalarda teri tanosil kasalliklari kelib chiqadi. Biz mana shunday holatlarning oldini olish maqsadida ushbu surtmani ishlab chiqdik.Hozirda Qirg‘iziston, Qozog‘iston, Tojikiston bilan shartnoma tuzmoqdamiz, shuningdek, Belarus bilan 500 mln so‘mlik shartnoma imzoladik. Bu innovatsion loyihaga yapon olimlari qiziqish bildirdi. Aynan mana shu grant loyiha ishlanmasi bo‘yicha Yaponiyaga 11 kunlik laboratoriya ilmiy tadqiqot institutiga taklif qilishdi.
Izoh (0)