«Дарё» интернет-нашри ҳамда Тошкент шаҳри ҳокимлиги қошидаги Жамоатчилик кенгаши ҳамкорлигида ташкил этилган «Маҳалла. Муаммо. Мулоҳаза» лойиҳасининг 4-сони меҳмони мустақил журналист, публицист, блогер Нозим Сафари бўлди. Кўрсатувнинг бу галги мавзуси — Тошкентнинг нон оқизадиган ариқлари қани?
Нозим Сафарининг кўрсатув давомида қайд этишича, кўчаларда, йўл бўйларида сувларнинг йиғилиб қолиши — катта муаммо. Аммо бу ҳолатга етарлича эътибор берилмайди.
Сувнинг қаердадир йиғилиб қолиши нафақат одамга ёки автоуловга, ҳаракатга таъсир қилади, балки йўлнинг сифатини ҳам туширади. Бундан ташқари, тротуар плиткалари ҳам ишдан чиқади.Сув бир жойда йиғилиб қолмаслиги керак, жуда катта зарар. Бу ҳолатга бизда кам эътибор берилади. Сув оқизиш, дренаж тизими — кўринмайдиган соҳа. Чунки биз қаерлардадир кичик-кичик латокларни кўрамиз-у, лекин асосий коллекторларни билмаймиз, сув қаердан кириб қаердан чиқиб кетиши бизга маълум эмас.
Сўнгги пайтларда қурувчиларимиз ҳам қандайдир ибтидоий умид билан уйларни қуряпти. Сувларни чиқариб юбориш масаласига келганда шунчаки умид билан «сув ўзининг йўлини топади, қайсидир тешикдан чиқиб кетади» деб ўйлашади. Лекин унақа эмас, — дейди журналист.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)