Эроннинг Шероз шаҳридаги Шоҳ Черах мақбарасида террорчилар ўт очди, 15 киши ҳалок бўлди, яна ўнлаб кишилар яраланди, деб хабар беради «РБК».
Манба маълумотларига кўра, ҳалок бўлганлар орасида камида бир бола бор, ҳужум қилганларнинг икки нафари аллақачон қўлга олинган, учинчисини қидириш давом этмоқда.
Tasnim агентлигининг вилоят губернатори вакилига таяниб хабар беришича эса қурбонлар сони 40 кишига етган.
Шоҳ-Черах мақбараси XIV асрда қурилган. Мақбара номи форсча «Нур Раббий» деган маънони англатади, унинг ичида ноёб ойна мозаикаси билан безатилган. Бу ерда Мусо ал-Кадимнинг ўғиллари икки ака-ука Аҳмад ва Муҳаммаднинг қабри бор, деб ишонилади. Шунингдек, мақбара масжид сифатида ишлатилади ва шиа мусулмонларининг зиёратгоҳи ҳисобланади.
Изоҳ (0)