Бугун,

  • USD 11095.31
  • RUB 173.84
  • EUR 10772.44

Исландияда шахмат бўйича World Fischer Random Chess Championship мусобақаси бўлиб ўтмоқда.

Фото: Ўзбекистон шахмат федерацияси

Фото: Ўзбекистон шахмат федерацияси

Ушбу мусобақада ўзбекистонлик Нодирбек Абдусатторов ҳам иштирок этмоқда. Абдусатторов 1-турда Ян Непомняшийга қарши дона сурди. Нодирбек иккита ўйинда ҳам россиялик тажрибали гроссмейстерни мағлуб этди. 2-турда эса америкалик Уэсли Со таслим этилди — битта ғалаба ва дуранг.

Нодирбек 3 ва 4-турда мезбонлар вакили, исландиялик Ҳйёрвар Стейн Гретарссонга қарши ўйнади ва ҳар иккала партияда ҳам ғалаба қозонди.

Шу тариқа, Нодирбек ўз ҳисобидаги очколар сонини 8 тага етказиб олди ва гуруҳ босқичи якунланишига 2 тур қолганда ярим финал масаласини ҳал қилди. 27 октябрь куни ўзбекистонлик шахматчи 5-турда Ян Непомняшийга қарши иккита ўйин ўтказса, 6-турда америкалик Уэсли Со билан ўйин кутмоқда.

Эслатиб ўтамиз, шахматчилар тур доирасида 2 та партия ўтказади. Ғалаба қозонган шахматчи 2 очкога эга бўлади.

А гуруҳи

1. Абдусатторов — 8 (7,5)

2. Непомняший — 5 (5)

3. Со — 3 (3)

4. Гретарссон — 0 (0,5)

 B гуруҳи

1. Карлсен — 6 (5,5)

2. Накамура — 6 (5)

3. Федосеев — 4 (4)

4. Блубаум — 0 (1,5)

World Fischer Random Chess Championship’да дунёнинг 8 нафар шахматчиси қатнашмоқда. Ўзбекистонлик гроссмейстер саралашдан муваффақиятли ўтган ҳолда ҳал қилувчи мусобақага етиб келган. Шахматчилар икки гуруҳга бўлинган. Гуруҳда ғолиб бўлган шахматчи ярим финалда қатнашиш ҳуқуқига эга бўлади.

Маълумот учун, мусобақанинг мукофот жамғармаси 400 минг АҚШ долларини ташкил этади. Ғолиб 150 минг долларга эга чиқади.

Ушбу мусобақа ўзига хос регламенти билан ажралиб туради. Унда одатий шахматдан фарқли ўлароқ дастлабки қатордаги доналар тасодифий тарзда жойлаштирилади.

Изоҳ
Asosiy yangiliklar
Маҳаллий
Наманганда ижтимоий тармоқларда сўкинган аудиоси тарқалган туман ҳокимига ҳайфсан берилди
Маҳаллий
Туркиянинг TRT канали Лувр музейидан Катта Лангар Қуръони намойишига оид репортаж тайёрлади (видео)
Маҳаллий
Ковиднинг янги варианти болалар ва ҳомиладорларда қандай кечмоқда?