Глобал иқтисодий ўсиш суръати заифлашгани сабабли, дунёда хом ашё нархлари ҳам пасайишда давом этади. Бу ҳақда Жаҳон банкига таяниб «Коммерсантъ» хабар бермоқда.
Аммо АҚШ долларининг маҳаллий валюталарда мустаҳкамланиши туфайли нархлар юқорилигича қолади. Бу эса инфляцияга қўшимча босим ўтказади.
Шундай қилиб, февраль ойидан бери Brent нефтининг нархи 6 фоизга арзонлашди, бироқ нефть импорт қилувчи мамлакатларнинг 60 фоизи ва дон импорт қилувчиларнинг 90 фоизи миллий валюталарда баҳоларнинг ошишига дуч келди.
Жаҳон банки энергия нархлари жорий йилда 60 фоизга ошганидан кейин 2023 йилда 11 фоизга ва 2024 йилда яна 12 фоизга пасайишини кутмоқда. Аммо бундан кейин ҳам улар беш йиллик ўртача кўрсаткичдан 50 фоизга юқори бўлиб қолаверади.
Худди шу омил электр энергияси нархининг ошишига ва транспорт харажатларининг ошишига таъсир қилади.
Европада газ ва денгиз орқали ташиладиган кўмир нархи аллақачон беш йиллик ўртача кўрсаткичдан 420 фоиз ва 180 фоиз юқори — табиий газ нархининг ошиши ҳам кўмир истеъмолининг ошишига олиб келади.
Шу билан бирга, Brent нефтининг ўртача нархи 2022 йилда бир баррель учун 100 доллардан 2023 йилда 92 долларга, 2024 йилда эса 80 долларга тушиши кутилмоқда.
Жорий йилнинг учинчи чорагида ноэнергетика хом ашёси нархлари ўтган чоракка нисбатан 13 фоизга, шу жумладан қимматбаҳо металлар — 9 фоизга, қишлоқ хўжалиги хом ашёси — 11 фоизга пасайган.
Шундай қилиб, металлар нархи, бу йил 2% га камайганидан сўнг, 15 фоизга тушади (бу Хитойда кўчмас мулк бозорининг пасайиши ҳам таъсир қилади), кейин эса барқарорлашади.
Озиқ-овқат нархлари жорий йилда 13,4 фоизга (шу жумладан ғалла 20,6 фоизга) ошади, келгуси йилда эса 5 фоизга тушиши мумкин, — дея кутмоқда банк.
Юқори энергия нархлари, масалан, бошқа хом ашё, хусусан, ўғитлар учун юқори нархларни қўллаб-қувватлаши мумкин: уларнинг нархи бир йилда 66,1 фоизга ошиши ва келгуси йилда 12,4 фоизга камайиши кутилмоқда.
Аввалроқ Европада нархлар ошиши яна рекорд даражага етгани ҳақида хабар берилганди.
Изоҳ (0)