Футбол бўйича Европа Чемпионлар Лигасининг 5-туридан ўрин олган қатор ўйинлар 25 октябрь, сешанба куни бўлиб ўтди.
F гуруҳида «Реал» сафарда «Лейпциг» билан баҳс олиб борди. Учрашувнинг 13-дақиқасида Ёшко Гвардиол, 18-дақиқасида эса Кристофер Нкунку гол уриб, немис клубини ҳисобда олдинга олиб чиқди.
Биринчи бўлим сўнгида Винисиус Жуниор мадридликларнинг жавоб голи муаллифига айланди. 81-дақиқада Тимо Вернер ҳисобни ишончи кўринишга олиб келди. Ўйин якунланиши арафасида Родриго пенальтидан унумли фойдаланиб, ҳисобни қисқартирди.
Гуруҳнинг иккинчи ўйинида «Селтик» «Шахтёр» билан дуранг ўйнади.
E гуруҳида «Милан» «Динамо» Загреб майдонига сафар қилди ва 4:0 ҳисобида зафар қучди. Миланликлар сафида Маттео Габбия, Рафаэл Леау ва Оливье Жиру биттадан гол урган бўлса, яна бир гол загребликлар аъзоси Роберт Любичич ҳисобига автогол сифатида ёзилди.
ЕЧЛ
5-тур баҳслари
25 октябрь, сешанба
«Лейпциг» – «Реал» 3:2
Голлар: 1:0 – 13 Гвардиол, 2:0 – 18 Нкунку, 2:1 – 44 Винисиус Жуниор, 3:1 – 81 Вернер, 3:2 – 90 Родриго (пенальти).«Лейпциг»: Бласвих, Симакан (Ҳенрихс, 89), Орбан, Гвардиол, Раум (Диалло, 69), Форсберг (Олмо, 69), Шлагер, Айдара (Кампл, 84), Собослаи, Андре Сильва (Вернер, 69), Нкунку.
«Реал Мадрид»: Куртуа, Начо (Алаба, 69), Милитао, Рюдигер, Кроос (Азар, 76), Тчуамени, Камавинга, Васкес (Карвахаль, 69), Асенсио, Винисиус Жуниор, Родриго.
Огоҳлантиришлар: Васкес (49).
«Динамо» Загреб – «Милан» 0:4
Голлар: 0:1 – 39 Габбия, 0:2 – 49 Рафаэл Леау, 0:3 – 59 Жиру (пенальти), 0:4 – 69 Любичич (автогол).«Динамо» Загреб: Ливакович, Моҳаррами, Ристовски (Шпикич, 58), Перич, Шутало, Любичич, Адеми (Батурина, 57), Мишич (Булат, 75), Иванушес, Оршич (Бочкай, 75), Петкович (Дрмич, 58).
«Милан»: Тетерушану, Калулу, Кьер, Габбия, Эрнандес (Балло-Туре, 70), Беннасер (Побега, 70), Тонали, де Кетеларе (Крунич, 52), Жиру (Ориги, 81), Ребич, Рафаэл Леау (Мессиас, 70).
Огоҳлантиришлар: Адеми (43), де Кетеларе (46), Любичич (58).
Изоҳ (0)