Gross суғурта компанияси тўртинчи Тошкент TAF!2022 реклама фестивалида бирйўла учта мукофот соҳиби бўлди. Фестиваль Ўзбекистонда ягона энг йирик реклама воқейлигига айланди. Gross компанияси истеъмолчилар ва халқаро профессионал ҳакамлар ҳайъатига ўз реклама кампанияларини намойиш қилиш ҳамда ўз ишларига юқори баҳо олиш имконига эга бўлди.
Маркетинг соҳасидаги етакчи мутахассислар томонидан профессионал баҳолаш якунларига кўра Gross компаниясининг «Ҳар йўл — оқ йўл» реклама кампанияси учта мукофотга сазовор бўлди. Халқаро ҳакамлар ҳайъати «Миллий қадриятлар қўлланган кампания» номинасиясида «Платина» мукофотини, мамлакатимиз ҳакамлар ҳайъати эса «Янги маҳсулот ёки хизматларни жорий қилиш» номинасиясида «Олтин» ҳамда «Digital кампания» номинасиясида «Бронза» мукофотини беришга қарор қилди. Реклама кампанияси Synthesis kreativ агентлиги иштирокида амалга оширилди ва Мубинов видео-продакшен (Снова — продакшн) томонидан ҳаётга татбиқ қилинди.
Халқаро ҳакамлар ҳайъати аъзолари реклама ролики ижросида юқори даражада профессионаллик намоён этилганини ва ўзбек миллий қадриятларидан ҳамда менталитетининг ўзига хос жиҳатларидан савияли фойдаланилганлигини алоҳида қайд этди.
Ролик дам олишга чоғланган оила ҳақида хайрли кулгули тарихни ҳикоя қилади. Унда ота ва она турли бидъат иримларга ишонган ҳолда ҳар эҳтимолга қарши исириқдан, кўз тегмаслиги учун кўзмунчоқдан фойдаланган ва ҳатто хўрозни қурбон қилган ҳолда ҳар хил йўллар билан турли балолардан сақланишга ҳаракат қилади! Gross компанияси одамларга ушбу балолардан аниқ ҳимоя қила оладиган фақат бир «тумор» мавжудлигини ва бу суғурта эканлигини ҳикоя қилишга қарор қилди. Ҳақиқий тирик хўрозча роликнинг бош қаҳрамонига айланди, фақат унинг иштирокидаги кадрларни тасвирга олишнинг ўзига 2 соатдан ортиқ вақт сарфланди. Ролик учун Ўзбекистонда тумор рамзи бўлган «кўзмунчоқлар» махсус тайёрланди. Роликни намойиш этувчи LED-экранларда жами шаҳарга омад келтириши учун тутатилган исириқ тутатқичлар махсус ўрнатилди. Ролик ижтимоий тармоқларда ва digital-маконда жойлаштирилди, Ўзбекистон бўйлаб йирик супермаркетларда телевизион экранларда намойиш қилинди. Ролик ҳақидаги фикрлар ОАВ, йирик блогерлар томонидан ёритилди ва инфлюенсерлар томонидан промо-роликлар тасвирга олинди, уларда саёҳат билан боғлиқ турли иримлар ва маҳсулот ҳақида ҳикоя қилинди. Тармоқ фойдаланувчилари «Ҳар йўл — оқ йўл» шиори остида ўз фото ва видеоталқинларини юборган ҳолда танловда иштирок этишга ва қимматли совғаларни қўлга киритишга муваффақ бўлдилар. Видео кенг қамровга эга бўлди, уни 6 млн фойдаланувчи томоша қилди ва унга яхши тақризлар қолдирилди.
Gross суғурта компанияси жамоаси ғоядан бошлаб, уни рўёбга чиқариш ва оммалаштиришнинг ҳар бир босқичида реклама кампаниясини яратиш ва ишга туширишда ўз ҳиссасини қўшган барча-барчага, шунингдек Тошкент реклама фестивалини ўтказганлиги учун Ўзбекистон маркетинг уюшмасига ҳамда ўз танловини амалга оширган ҳайъат аъзолари бўлмиш экспертларга ўз миннатдорчилигини билдиради.
Шуни доимо ёдда тутингки, Gross билан ҳар йўл — оқ йўл.
Мижозларни қўллаб-қувватлаш маркази: 1166.
Сайт: gross.uz
Facebook: fb.com/grossuz
Instagram: @gross.uzb
Telegram: t.me/grossuzb
Telegram-бот: t.me/grossrobot
Реклама ҳуқуқи асосида.