Йўналишлар тармоғини мақбуллаштириш, йўловчиларга кўрсатилаётган транспорт хизматлари сифатини ошириш мақсадида 2022 йил 27 октябрдан бошлаб пойтахтда айрим автобус йўналишларида ўзгариш бўлади.
Жумладан,
- «8-Автобус саройи» филиалига бириктирилган 142-сонли «Тикланиш маҳалласи – Катта Хасанбой маҳалласи» автобус йўналишининг ҳаракати Тикланиш кўчасидаги сўнгги бекати 472 ва 473-уйлар қаршисидаги манзилгача қисқартирилади;
- «18-Автобус саройи» филиалига бириктирилган 31-сонли «Қорақамиш 2/4 мавзеси – Чинни бозори бекати» «Онлайн-GPS» масофавий назорат тартибида фаолият юритувчи автобус йўналишининг ҳаракати Қорақамиш 4-кўчаси бўйлаб «Ниҳол маҳалласи»га бормаган ҳолда «Қорақамиш 2/4 мавзеси»гача қисқартирилади;
- «18-Автобус саройи» филиалига бириктирилган 87-сонли «Қорақамиш 2/4 мавзеси – Чинни бозори бекати» «Онлайн-GPS» масофавий назорат тартибида фаолият юритувчи автобус йўналишининг тўғри йўналишдаги ҳаракати Беруний кўчасидан Фаробий, Мирзо Ғолиб, Қамарнисо, Талабалар кўчалари орқали ва кейинги ҳаракати ўз йўналишини давом эттирган ҳолда бир томонлама ташкил этилиб, қайтиш йўналишдаги ҳаракати ўзгаришсиз қолдирилади;
- «18-Автобус саройи» филиалига бириктирилган 125-сонли «Ўрикзор мавзеси – Дўмбирабод кўчаси бекати» «онлайн-GPS» масофавий назорат тартибида фаолият юритувчи автобус йўналишининг тўғри йўналишдаги ҳаракати Зарафшон кўчасидан Самарбону, ТҲАЙ кўчалари орқали ва кейинги ҳаракати ўз йўналишини давом эттирган ҳолда бир томонлама ташкил этилиб, қайтиш йўналишдаги ҳаракати ўзгаришсиз қолдирилади;
- «7-Автобус саройи» филиалига бириктирилган 33-сонли «Карвон бозори бекати – Саодат савдо маркази бекати» автобус йўналишининг иш тартиби соат 5:30 дан 21:00 гача этиб белгиланади;
- «2-Автобус саройи» филиалига бириктирилган 30-сонли «Олмос маҳалласи – Тошкент МУМ АШБ» автобус йўналишининг ҳаракати Оҳангарон шоссесидан Бешариқ, Авиасозлар, Ҳосият, Зумрад, Шоҳимардон, Оҳангарон шоссеси орқали ўз йўналишини давом эттирган ҳолда икки тарафлама ташкил этилади;
- «1-Автобус саройи» филиалига бириктирилган 15-сонли «Қўйлиқ 1-мавзеси – Дўстлик метроси АШБ» автобус йўналишининг ҳаракати Фарғона йўли кўчасидан Мунис кўчаси ҳамда «Қўйлиқ 1-мавзеси» бекати орқали ТҲАЙ бўйлаб «Қўйлиқ деҳқон бозори»гача, қайтиш йўналишида «Қўйлиқ деҳқон бозори» бекатидан ТҲАЙ, Фарғона йўли кўчалари орқали ва ўз йўналишини давом эттирган ҳолда ташкил этилиб, йўналиш номи 15-сонли «Қўйлиқ деҳқон бозори - Дўстлик метроси АШБ» автобус йўналиши этиб белгиланади.
Изоҳ (0)