Ижтимоий тармоқларда Тошкент шаҳрида фуқаролар турар-жойлари олдида кўп қаватли уй қурилаётгани, шу сабабли фуқаролар уйлари «аквариум»га айланаётгани ҳақида хабарлар тарқалди. Қурилиш вазирлиги ҳолатга муносабат билдирди.
Маълум бўлишича, Тошкент шаҳар Яккасарой тумани Глинка ва Торобий кўчаларида жойлашган Royal Towerс МЧЖга тегишли қурилиш объектига Тошкент шаҳар Қурилиш бош бошқармаси лойиҳа-смета ҳужжатларини келишиш бўйича Архитектура ва шаҳарсозлик кенгаши ишчи органининг 2020 йил 24 мартда 31-698/А-сонли хулосаси берилган. Шунингдек, 144/11-09-сонли йиғма эксперт хулосаси ҳам тақдим этилган.
Тошкент шаҳар Қурилиш соҳасида ҳудудий назорат инспекциясини хабардор этган ҳолда қурилиш-монтаж ишлари бошланган ва инспекция томонидан тизимли назорат ўрнатилган ва 11 та ёзма кўрсатма берилган.
Тошкент шаҳар Қурилиш соҳасида ҳудудий назорат инспекция томонидан оралиқ масофасидаги ҳолат бўйича Тошкент шаҳар Қурилиш бош бошқармасига 2022 йилда 1 июлда тақдимнома юборилган.
Ҳозирги кунда ҳолат юзасидан аниқлик киритилгунга қадар қурилиш-монтаж ишлари вақтинча тўхтатилган.
Изоҳ (0)