Шавкат Мирзиёев 26 октябрь куни Республика шошилич тиббий ёрдам илмий марказида видеоселектор йиғилишини ўтказди. Бу ҳақда «Дарё» мухбири хабар берди.
"Хабарингиз бор, жорий йил март ойида сизлар билан ‘очиқ мулоқот’ ўтказиб, барча масалаларни очиқ-ойдин муҳокама қилган эдик. Бугунги йиғилишимизни ана шу мулоқотнинг мантиқий давоми, десак, бу ҳам тўғри бўлади. Ўйлайманки, тадбирда иштирок этаётган ва жойлардаги студиялардан қатнашаётган тажрибали шифокорларимиз, соҳа жонкуярлари ва мутасаддилар ўзларини ўйлантираётган, қийнаётган масалалар бўйича фикр-мулоҳазалари билан ўртоқлашадилар. Соҳа ривожига тўсиқ бўлаётган муаммоларга биргаликда ечим топамиз», — деган давлат раҳбари.
Президент бугунги учрашувда қандай саволларга жавоб топиш кераклигини айтган.
«Ўтган сафарги учрашувимиздан кейин тиббиётдаги вазият ва шифокорлар фаолияти қай даражада ўзгарди, маҳаллада нима янгиликлар бўлди, аҳоли нимани ҳис қилди, қандай янги муаммолар аниқланди, деган саволларга биргаликда жавоб излашимиз зарур. Бугун кўтариладиган барча масалалар бўйича ҳокимларнинг вазифаси қандай бўлиши керак, президент сифатида мен яна нималарни ҳал қилиб беришим лозим, деган саволлар бўйича ҳам сизлар билан атрофлича гаплашиб оламиз», — дея қўшимча қилган Шавкат Мирзиёев.
Изоҳ (0)