Ҳаво салқинлашиши билан кўчада ёш хонимлар иссиқ пойабзал ва этик кийишга ўтади. Аммо ҳамма ҳам ушбу қишки оёқ кийимни танлашда тўғри қарор қабул қилмайди. Хўш, этиклар қандай бўлиши керак? Аниқроғи, улар қандай бўлмаслигини билиш муҳим. The Voice Mag нашри ушбу пойабзалга хос бўлган энг машҳур хато ва камчиликларни ҳақда сўз юритди.
Материал
Этиклар пойабзал ёки ботинкаларга қараганда анча катта. Шунинг учун материал бу ерда жуда муҳим рол ўйнайди. Асл тери ҳар доим ҳам яхши танлов эмас. Чунки улар арзон ва табиийдек ишланган ўринбосарга қараганда ёмонроқ ва қўполроқ кўриниши мумкин.
Замш ҳар доим чармга қараганда анча яхши кўринади. Аммо ҳар қандай об-ҳаво ҳам ушбу материалга мос келмайди ва унга ғамхўрлик қилиш бир қанча қийинчиликлар туғдиради. Ҳақиқатан ҳам агар замшга махсус сув ўтказмайдиган ҳимоя воситалари билан тўғри ишлов берилса, у қор ва ёмғирда ҳам ўз кўринишини йўқотмайди.
Безак
Этиклар ҳақида гап кетганда, аксарият ҳолларда безакнинг умуман йўқлиги яхшироқдир. Энг машҳур элементлардан бири — этикнинг бутун узунлиги бўйлаб ўрнатилган замокдир. Кўпинча у қора бўлиб, деярли сезилмайди. Аммо бундан ортиқ деталлар билан безатилган этиклар харид қилиш тавсия этилмайди.
Пошна
Этикларнинг вазифаси биринчи ўринда оёқни совуқдан ҳимоя қилишдир. Шунинг учун у имкон қадар қулай бўлиши керак. Аммо қор ва ёмғирда кийишга мўлжалланган этикларнинг ингичка пошнаси бунга тўсқинлик қилиши мумкин.
Албатта, ингичка пошналар билан яхши кўринадиган моделлар бор, лекин улар кўпинча уларда ҳаракатланиш қийин. Шунинг учун кундалик учун таг қисми текис ёки қалин пошнали моделда тўхталган маъқул.
Узунлик
Этикнинг узунлиги жуда катта рол ўйнайди, айниқса, жуда нозик модель оёқлари эгаларидан бири бўлмасангиз. Узун этиклар ҳамма учун ҳам мос келавермайди, шунингдек, кийимлар ҳам бу борада катта аҳамиятга эга. Одатда оёқлари узун қизлар учун узун этиклар айни муддао. Аммо бўйи паст қизлар учун мутахассислар бу каби этикларни тавсия қилмайди.
Силуэт
Айрим этиклар стандарт шаклда бўлганлиги учун ҳам барчага бирдек мос келавермайди. Шунинг учун этик танлашда рекламаларга алданиб қолмаслик лозим. Масалан, бугунги кунда кўпчилик онлайн дўконлардан харидни амалга оширади. Лекин бу усул этик ва бошқа кийимлар учун мос эмас. Сабаби сиз рекламада кўрган этик ҳаётда умуман бошқача кўриниш ҳосил қилиши мумкин. Шунинг учун иложи борича этик танлашда гардеробдаги қишки кийимлар ва ўз дидингиздан келиб чиқиб, қулай, иссиқ, чидамли ва энг муҳими ҳамёнбоп нархдагисини танлаш тавсия этилади.
Изоҳ (0)