Узоқ вақт давомида мода саноати мусулмон аёлларнинг эҳтиёжларини деярли эътиборсиз қолдирди. Аммо ҳозир ҳамма нарса ўзгармоқда: кийиниш бўйича тажриба қилишдан қўрқмайдиган жасур ва замонавий мусулмон аёллар бошқа аёллар учун намуна бўла олишади. Уларнинг шарофати билан турли диндаги қизларни бирлаштирган «камтарона мода» йўналиши яралди.
Айда Меҳназ
Айда Меҳназ шунчаки инфлюнсер эмас, балки мода саноатининг ҳақиқий профессионалидир. Муглер уйида у машҳурлар билан мулоқотда бўлади: Дуа Липа, Майли Сайрус ва Kardi B’нинг ёрқин образлари унинг қўли билан яратилган. Албатта, у миллий бренддаги нарсаларни кўпроқ кияди. Лекин у ҳар доим либосларини ҳижоб билан бирлаштиради. Франциянинг Vogue нашрига берган интервьюсида Айда ҳижобда мода саноатида иш топиш осон бўлмаганини тан олган. Шунга қарамай, у ўз қадриятларидан воз кечмоқчи эмас ва у ўзининг модага қизиқишини бошқа қизларнинг мини юбка ёки кўйлак кийиш каби танлаш эркинлигининг бир хил кўриниши деб ҳисоблайди.
Ниа Амрун
Саудия Арабистонининг замонавий инфлюнсери Ниа Амрун минимализм ва кўп қаватли либосларни яратишда катта тажрибага эга. Тажрибали стилистнинг маҳорати билан кийим оғир вазнли эмас, балки енгил ва ҳаводор кўринадиган мураккаб образга айланади. Бунинг сири аниқ ранг схемаси ва виртуоз тўқималарда: Ниа одатда ўхшаш матоларни бирлаштириб, бир-бирига яқин ранглардаги матолар билан ишлайди. Замонавий пойабзал ва аксессуарлар эса ҳар бир образни тўлдиради: Ниа айниқса Prada’ни яхши кўради.
Нур Элхолди
Мода инфлюнсери ва Араб-American Psycho подкасти муаллифининг айтишича, унинг асосий мақсади тенглик ва инклюзивлик учун курашишдир. «Болалигимда мода оламида менга ўхшаган (ҳижобли) ҳеч кимни кўрмаганман», деган у интервьюсида. Шунинг учун Нур мода саноатига интеграциялашган мусулмон аёллар ҳамжамиятини шакллантиришга интилади: шу йўл билан у ўз жамиятининг кўринишини ошириш ва унинг аъзолари учун ҳамма каби ҳуқуқларни излаш ниятида. Шу билан бирга, Нурнинг услуби исломий аёлларнинг кийимлари ҳақидаги анъанавий ғоялардан йироқ: у тез-тез кутилмаган ва ҳатто қўполроқ нарсаларни кияди, масалан, ялтироқ плаш, чарм кўйлак ва катакли кинтлар. Лекин у ҳижобни ҳеч қачон унутмайди.
Фотима Алавади
«Модада мен ўз услубимни назорат қиламан», дейди у ижтимоий тармоқлардан бирида. Бу Фотиманинг услубининг энг яхши хулосаси. У тенденцияларга эътибор қаратади, лекин уларни ҳеч қачон кўр-кўрона кузатиб бормайди, ҳар доим ўз услуби ва характерига мослаштиради. У нафис, ёпиқ силуэтларни афзал кўради, ёрқин безаклар беришдан қўрқмайди ва ҳар бир образга битта ажралмас элемент қўшади: қаймоқранг ҳижоб унинг ўзига хос ташриф қоғозига айланган.
Изоҳ (0)