27—28 октябрь кунлари Самарқанд шаҳрида илк бор МДҲ Парламентлараро ассамблеяси кузги сессияси тадбирлари бўлиб ўтади. Бу ҳақда АОКАда ўтказилган брифингда Сенат ахборот хизмати раҳбари Ҳожиакбар Тўлаганов маълум қилди.
Қайд этилишича, 27 октябрь куни Самарқандда дастлаб ассамблеянинг маданият, ахборот, туризм ва спорт бўйича, қишлоқ хўжалиги сиёсати, табиий ресурслар ва экология бўйича, ҳамда сиёсий масалалар ва халқаро ҳамкорлик бўйича 3 та доимий комиссияларининг мажлислари бўлиб ўтади.
28 октябрь куни МДҲга аъзо давлатлар Парламентлараро ассамблеясининг 54-ялпи мажлиси бўлиб ўтади.
Парламент аъзолари сайлов, референдум ва уларни кузатиш тўғрисидаги намунавий қонунларнинг катта блокини кўриб чиқиши режалаштирилган. Шунингдек, депутатлар ва сенаторларга бир қатор бошқа қонун лойиҳалари ҳам ҳамдўстлик давлатлари кейинчалик миллий қонунчиликда фойдаланишлари учун киритилади.
Ассамблея иштирокчи давлатлари – Озарбайжон, Арманистон, Беларусь, Қозоғистон, Қирғизистон, Молдова, Россия, Тожикистон ва Ўзбекистон парламент делегацияларидан иборат.
Изоҳ (0)