27—28-oktabr kunlari Samarqand shahrida ilk bor MDH Parlamentlararo assambleyasi kuzgi sessiyasi tadbirlari bo‘lib o‘tadi. Bu haqda AOKAda o‘tkazilgan brifingda Senat axborot xizmati rahbari Hojiakbar To‘laganov ma’lum qildi.
Qayd etilishicha, 27-oktabr kuni Samarqandda dastlab assambleyaning madaniyat, axborot, turizm va sport bo‘yicha, qishloq xo‘jaligi siyosati, tabiiy resurslar va ekologiya bo‘yicha, hamda siyosiy masalalar va xalqaro hamkorlik bo‘yicha 3 ta doimiy komissiyalarining majlislari bo‘lib o‘tadi.
28-oktabr kuni MDHga a’zo davlatlar Parlamentlararo assambleyasining 54-yalpi majlisi bo‘lib o‘tadi.
Parlament a’zolari saylov, referendum va ularni kuzatish to‘g‘risidagi namunaviy qonunlarning katta blokini ko‘rib chiqishi rejalashtirilgan. Shuningdek, deputatlar va senatorlarga bir qator boshqa qonun loyihalari ham hamdo‘stlik davlatlari keyinchalik milliy qonunchilikda foydalanishlari uchun kiritiladi.
Assambleya ishtirokchi davlatlari – Ozarbayjon, Armaniston, Belarus, Qozog‘iston, Qirg‘iziston, Moldova, Rossiya, Tojikiston va O‘zbekiston parlament delegatsiyalaridan iborat.
Izoh (0)