Тошкент вилоятининг Юқори Чирчиқ туманида номаълум шахслар икки тоннага яқин ўлган товуқлар ташлаб кетгани аниқланганди. Вилоят Экология ва атроф-муҳитни муҳофаза қилиш бошқармаси матбуот хизмати бунга муносабат билдирди.
Қайд этилишича, ҳолат Тошкент вилояти Экология ва атроф-муҳитни муҳофаза қилиш бошқармаси ходимлари томонидан жойига чиқиб ўрганилди. Ўрганишлар давомида Юқори Чирчиқ туманининг «Миям кангли» маҳалла фуқаролар йиғини ҳудудида жойлашган ер майдонига номаълум шахслар томонидан парранда қолдиқлари ташлаб кетилгани аниқланди.
Парранда қолдиқларини белгиланган тартибда йўқ қилиш мақсадида махсус техникалар ёрдамида чиқиндиларни қайта ишловчи корхоналарга утилизация қилиш учун юборилди.
Ҳозирда чиқиндиларни ташлаб кетган шахсларни аниқлаш юзасидан ўрганиш ишлари олиб борилмоқда.
Изоҳ (0)