Нобель жамғармаси Россия ва Беларусь элчиларини 10 декабрга белгиланган тақдирлаш маросимига таклиф қилмасликка қарор қилди, деб ёзади Meduza.
Жамғарма баёнотида айтилишича, Стокгольмдаги маросимга Швецияда ишлаётган барча давлатларнинг элчилари таклиф этилган, бироқ Россиянинг Украинага бостириб кириши сабабли бу таклиф Россия ва Беларусь элчилари Виктор Татаринцев ва Дмитрий Мирончикга тааллуқли эмас.
Маросимга элчилардан ташқари ўта ўнгчи Швеция демократлар партияси етакчиси Жимми Акессон ҳам таклиф этилмаган.
Тақдирлаш маросимига ҳар йили Швецияда дипломатик ваколатхоналари бўлган барча мамлакатларнинг элчилари таклиф этилади.
Россия ва Беларусь вакиллари — Memorial ташкилоти ва ҳуқуқ ҳимоячиси Алес Биалиацкий 2022 йилда тинчлик учун Нобель мукофоти лауреатлари қаторидан жой олган. Улар билан биргаликда Украинанинг «Фуқаролар эркинликлари маркази» ҳам Нобель мукофоти билан тақдирланади.
Изоҳ (0)