АҚШ расмийлари Россия ва Эрон ўртасидаги «чуқурлашган иттифоқ»дан хавотирда. Бу ҳақда АҚШ Давлат котибининг Яқин Шарқ масалалари бўйича ёрдамчиси ўринбосари Женнифер Гавито маълум қилди.
Биз Россия-Эрон иттифоқининг чуқурлашиб бораётганидан хавотирдамиз, буни Россия томонидан Украинадаги фуқаролик инфратузилмасини йўқ қилиш учун фойдаланилган Эрон дронлари ҳам тасдиқлайди. Президент Байден июль ойида айтганидек, биз Яқин Шарқдан воз кечиб, Хитой, Россия ёки Эрон томонидан тўлдириладиган бўшлиқлар қолдирмаймиз, — деди Гавито.Унинг сўзларига кўра, «АҚШ маъмурияти ҳам Эрон билан вазиятни юмшатишга интилмоқда». Бироқ, шу билан бирга, дипломатнинг таъкидлашича, Қўшма Штатлар Теҳроннинг беқарорлик деб ҳисобланган бундай фаолиятини чеклаш учун хорижий иттифоқчилар билан ҳамкорликда ҳаракатланишга ўтади.
Президент Байден иттифоқчилар ва ҳамкорлар билан Эроннинг беқарорлаштирувчи фаолиятини тўхтатиш ва унга қарши курашишга қатъий қарор қилди. Эроннинг Ироқдаги ёки (Яқин Шарқ) бошқа минтақадаги АҚШ ходимларига қарши таҳдидларига тоқат қилиб бўлмайди. Ва айтганимиздек, биз буни амалга оширамиз. Халқимизга ёки манфаатларимизга ҳужум бўлганда албатта жавоб қайтарамиз, — деди Гавито.Аввалроқ АҚШ Россияга «хавфли қурол» етказиб бераётган Эронга санкциялар билан таҳдид қилгани ҳақида хабар берилган эди.
Изоҳ (0)