Ўзбекистонда кескин ўсишдан сўнг, сентябрь ойида кўчмас мулк бозоридаги сотувлар бироз пасайди. Бу ҳақда «Дарё»га Иқтисодий тадқиқотлар ва ислоҳотлар маркази хабар бермоқда.
Экспертлар сотувлар пасайишининг асосий сабабини ўқув йилининг бошланиши ва чет эл фуқароларининг сезиларли оқими туфайли уй-жой ижарасига талабнинг ошиши билан изоҳлади.
2022 йил сентябрь ойида Ўзбекистонда рўйхатга олинган кўчмас мулк олди-сотди шартномалари сони ўтган йилнинг шу даврига нисбатан 19 фоизга (+3,7 минг) ошди.
Умуман, йил бошидан бери, уй-жой савдосининг ўсиши 9,7 фоизни (195,7 мингта) ташкил этди.
Энг юқори ўсиш суръатлари Қорақалпоғистонда — 50 фоиз, Сирдарёда — 42 фоиз, Жиззахда — 39 фоиз ва Наманган вилоятларида — 50 фоиз қайд этилди.
Кўчмас мулк олди-сотдиси бўйича расмийлаштирилган шартномалар сони ўзгариши:
Шу билан бирга, жорий йилнинг август ойига нисбатан кўчмас мулк савдосининг бироз пасайиши кузатилди.
Аввалроқ сентябрь ойида янги уйлар нархи қандай ўзгаргани ҳақида хабар берилганди.
Янги турар жойлар нархи июль ойида 2,8 фоизга, августда 0,1 фоизга, сентябрда эса 2,5 фоизга ўсди.
Сентябрь ойида Фарғона водийси, Тошкент, Сирдарё ва Навоий вилоятларида нархлар ошди. Жиззах, Бухоро ва Хоразм вилоятларида эса нархларнинг бироз пасайиши кузатилди.
Изоҳ (0)