Кийимларни қанча муддатда ювиш керак: билиб қўйиш муҳим бўлган қоидалар

Ҳар бир аёлнинг гардеробида бошқаларига қараганда камроқ ёки тез-тез ювиладиган кийимлар бор. Бироқ уларнинг турига қараб кийимларни қанча муддатда ювиш кераклигини қандай билиш мумкин? Албатта, ҳар бир нарсанинг ўзига хос «муддати» бор, шунга кўра ювиш уларни тезда эскириб кетишининг олдини олади, деб ёзади «Главред».

Джинсилар

Джинсилар унчалик тез кир бўлмайди, шунинг учун уларни ҳар икки ҳафтада бир марта ювиш тавсия этилади. Шу билан бирга, улар деярли совуқ сувда ва кондиционерсиз ювишга арзийди. Агар уларни тез-тез машинага ташласангиз, шунчаки чўзилиб кетиши мумкин. Аммо бу қоида болалар шимларига тааллуқли эмас — уларни тез-тез ювиш керак, чунки бола кийимини жуда тез кир қилиши мумкин.

Кофталар

Кофталарни қанча муддатда ювиш унинг материалига боғлиқ. Агар кофта ипак, кашмир ёки пахтадан тикилган бўлса, икки марта кийилганидан кейин ювиш мумкин. Бироқ жун ёки синтетика кофталарни беш марта кийингандан кейин машинага ташлаш тавсия этилади.

Чақалоқ кийимлари

Улар ҳар куни ювилиши керак. Ахир бола кийимининг енгини оғзига солиши мумкин, агар у етарли даражада тоза бўлмаса, турли хил микроблар оғиз бўшлиғи орқали боланинг ичига кириб боради.

Пижама

Одамлар ухлаётганларида терлашга мойил бўлганлиги сабабли пижама ҳар уч кунда ювилгани яхшироқ. Агар терлаш жуда кучли бўлса, ҳар куни ювиш тавсия этилади.

Чойшаблар

Чойшабни ҳафтада бир марта ювиш мумкин. Муҳим қоидаларга риоя қилиш керак, бунинг учун энг мақбул кир ювиш кукуни ва кондиционерни танлаб, камида 60 даража ҳарорат сувда ювиш лозим.

Ёстиқ ва кўрпалар

Ёстиқ ва кўрпаларни ҳар уч ойда ювиш тавсия этилади. Агар уйда ювишнинг иложи бўлмаса, махсус кимёвий тозалашга бериш мумкин. Бироқ бу масалани эътиборсиз қолдирмаслик керак, чунки аллергияга олиб келадиган инфекциялар ёстиқ ичида тўпланиши мумкин.

Сочиқлар

Сочиқ уч марта ишлатилгандан кейин ювиш тавсия этилади. Бундан ташқари, сочиқлар ҳаммом каби қоронғи, нам хонада эмас, балки очиқ қуёшда қуритилиши керак.

Пайпоқ ва колготкалар

Булар ҳар сафар кийилганда ювилиши керак. Визуал равишда улар тоза кўринса ҳам ювишни унутмаслик лозим.

Свицҳот ва худилар

Олти ёки етти марта кийилгандан кейин уларни ювиш кифоя қилади. Чунки улар танага тегмайди, одатда уларнинг остидан футболка кийилади.

Шим ва юбкалар

Агар кўзга ташланадиган доғи бўлмаса, ушбу кийимларни 6-7 марта кийилганидан сўнг ювиш мумкин.

Кўйлак ва блузкалар

Икки ёки уч марта кийилгандан кейин уларни ювиш кифоя қилади. Ёз ойларида кўп терлаш натижасида бир марта кийилганидан кейин ювиш тавсия этилади.