Совуқ, ўзгарувчан об-ҳавода кийим танлаш ҳам баъзида қийин бўлади. Сабаби бир кийимни танлаб, маълум вақтдан кейин ҳаво исиб кетиши ёки аксинча совуқ бўлиши мумкин. The Voice нашри ўзгарувчан об-ҳавода қандай қилиб кийимни тўғри танлаш бўйича маълумот берди.
Куз ҳавоси ўзгарувчан, эрталаб иссиқ бўлган ҳаво кечқурун совиб кетиши ҳам мумкин, бунга олдиндан тайёрланишнинг иложи йўқ. Бироқ бир нечта тавсияларга амал қилиб кийим танласангиз кун давомида кузатиладиган об-ҳавода ҳам ўзингизни бемалол ҳис қилишингиз мумкин.
Октябрь ойининг ярмида енгил тренч кийишингиз мумкин, бироқ унинг ичидан учта свитер кийиб шарф тақишингиз мумкин. Устма-уст кийим билан ҳаво ҳароратига мослашиш мумкин, масалан футболка ёки нимча ва жемперда юриш мумкин. Бу ҳолатларда об-ҳавога мос кийиниш бир маҳоратдир.
10-15 даража ҳароратда
Баъзи ҳудудларда ҳали ҳам илиқ куз бўлиб иссиқ жемпер ёки кўйлак билан бирга иссиқ тренч кийиш мумкин. Бироқ, сентябрь ойидан совуқ шамол эсиб турадиган мамлакатнинг ўрта қисмида пальто кийиш учун қулай об-ҳаво бўлади. Юпқа жун, юмшоқ матодан тикилган пальто — асосийси, у оғир эмас, совуқроқ ҳарорат учун бундай вариантларга муҳтож бўламиз. Бу ҳолатда пончолар ва нимчаларни ҳам ҳисобга олиш керак. Иккинчисини фақат мос келадиган свитерлар билан кийиш мумкин.
5-10 даража ҳароратда
Ҳаво ҳарорати 5 даража бўлган пайтда ёқали, қалин жунли пальтоларни кийиш мумкин, унда сиз етарлича исина оласиз. Калта моделларни танламанг, чунки уларда совуқ ўтиш эҳтимоли бор.
Ёқасиз калта кийимлар ва жинси курткаларни танламаслик керак, сабаби шамолдан ҳимоя қилувчи жинси куртка қанчалик изоляция қилинган бўлишидан қатъи назар 5 даража ҳароратда ёрдам бера олмайди.
0-5 даража ҳароратда
0-5 даража ҳароратда дублёнка кийган маъқул. Агар дублёнка бўлмаса унинг ўрнига иссиқ жунли пальто ёки қулай жунли куртка кийиш мумкин. Охирги икки кийимни танлашда бир нечта белгиларга аҳамият бериш керак: юмшоқ моделдаги, ҳароратга қай даражада мос келганини билиш муҳим. Ҳар бир кийимнинг қандай совуққа бардош бера олиши ёрлиқда ёзилган бўлади, бироқ камида иккита турдаги — енгил ва қалин куртка бўлиши керак. Деми-мавсум моделлари эса аллақачон урфдан қолди.
Мавзуга доир:
Изоҳ (0)