Самарқанд вилоятининг Ургут туманида мактаб директори 12 ёшли ўқувчини уриши оқибатида унинг қулоқ пардаси йиртилганди. Вилоят ИИБ матбуот хизмати унга нисбатан жиноят иши қўзғатилганини маълум қилди.
Воқеа 2 октябрь куни Ургут туманидаги 61-мактабда юз берганди. Ўқувчилар ўтирган синфхонада болалар томонидан пақилдоқ портлатилган. Шундан сўнг мактаб директори келиб ўқувчилардан бирининг қулоғига шапалоқ туширган. Жароҳатланган ўқувчи шифохонага олиб борилганда зарба оқибатида боланинг қулоқ пардаси тешилгани аниқланган.
Самарқанд вилоят халқ таълими бошқармасининг тегишли буйруғига асосан мактаб директори Б.Р. лавозимидан озод этилган.
Вилоят ИИБ хабарига кўра, директор ўқувчини уриб мансаб ваколати доирасидан четга чиққанлиги сабабли унга нисбатан Жиноят кодексининг 206-моддаси (ҳокимият ёки мансаб ваколати доирасидан четга чиқиш) 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)