Европада нархлар ошиши яна рекорд даражага етди

Eurostat маълумотларига кўра, Европанинг 19 мамлакатида йиллик инфляция август ойидаги 9,1 фоиздан сентябрь ойида рекорд даражадаги 9,9 фоизга тезлашди. 

Европа Иттифоқида (ЕИ) йиллик инфляция август ойидаги 10,1 фоизга нисбатан ўтган ойда 10,9 фоизни ташкил этди.

Август ойи билан солиштирганда, ЕИнинг олтита давлатида йиллик инфляция пасайган, бир давлатда барқарор сақланиб қолган ва 20 мамлакатда ўсган. 

Энг юқори инфляция Эстония (24,1 фоиз), Литвада (22,5 фоиз) ва Латвияда (22 фоиз) қайд этилган. Энг паст кўрсаткичлар Франция (6,2 фоиз), Мальта (7,4 фоиз) ва Финляндияда (8,4 фоиз) бўлмоқда.

Энергия ресурслари 2021 йил сентябрига нисбатан 40,7 фоизга ошган. Озиқ-овқат маҳсулотлари, алкоголь ва тамаки маҳсулотлари 11,8 фоизга (август ойида 10,6 фоизга ўсиш кузатилган), хизматлар 4,3 фоизга (август ойида + 3,8 фоизни ташкил этган), ноэнергетика маҳсулотлари 5,5 фоизга қимматлашган. 

Европада инфляция бўйича аввалги рекорд август ойида (9,1 фоиз) ўрнатилган эди. Таҳлилчилар бу кўрсаткич жорий йилнинг охиригача ўсишда давом этишини тахмин қилмоқдалар. 

S&P Глобал Европада рецессияни башорат қилмоқда. Халқаро валюта фонди ҳисоб-китобларига кўра, глобал инфляция 2022 йилда 9,5 фоизга чўзилиб, 2024 йилга бориб 4,1 фоизга секинлашади.