Ўзбекистонга 2022 йилнинг январь—сентябрь ойларида хориждан қиймати 144,5 млн долларга тенг бўлган 2,2 млн дона мобил телефон импорт қилинган. Бу ҳақда Давлат статистика қўмитаси хабар бермоқда.
Телефон импорти ўтган йилнинг шу даврига нисбатан 255 мингтага кўпайган. Сентябрь ойининг ўзида Ўзбекистонга 253 мингта телефон олиб келинган. Бу кўрсаткич августда 400 мингтани ташкил қилганди.
Ўзбекистон 9 ой мобайнида мобил телефонларни энг кўп импорт қилган давлатлар орасида ҳамон Хитой етакчилик қилмоқда — 1,6 млн дона. Бу кўрсаткич ўтган ойга нисабатан 200 минг донага кўпдир. БАА 247 минг дона билан иккинчи ўринни эгаллади.
Учинчи ўринда Вьетнам қайд этилган — 156 мингта. Кейинги ўринларни эса Ҳиндистон (154 минг дона), Қозоғистон (25,4 минг дона) ва Корея (2,1 минг дона) эгаллади.
Аввалроқ Хитойда мобил телефон ишлаб чиқариш 2022 йилда камайгани ҳақида хабар берилган эди.
Изоҳ (0)