Американинг Lockheed Martin мудофаа компанияси раҳбари АҚШда HIMARS ёппасига ўт очувчи реактив тизимларини ишлаб чиқариш ҳажми йилига 96 донагача оширилишини маълум қилди.
«HIMARS’га келсак, биз ишлаб чиқариш ҳажмини йилига 96 донагача етказишни режалаштириш мақсадида узоқ муддатли таъминотчиларимиз билан учрашув ўтказдик», — деди корпорация раҳбари инвесторлар билан учрашувда.
Ҳозирга қадар Қўшма Штатларда йилига 60 га яқин HIMARS тизимлари ишлаб чиқарилаётган эди.
Сентябрь ойида Пентагон Американинг Lockheed Martin ҳарбий корпорацияси билан юқори аниқликдаги зарба берувчи ракеталарни етказиб бериш бўйича шартнома имзолаган эди. Шартнома суммаси 77,4 миллион долларни ташкил этди.
Изоҳ (0)