Хитой ҳарбийлари учувчиларни тайёрлашни тезлаштириш учун Қироллик ҳаво кучлари реактив учувчиларини жалб қилмоқда, деб хабар қилади The Guardian.
Тахминан 30 га яқин британиялик собиқ учувчи Хитой томонидан учинчи томонлар, хусусан, Жанубий Африкада жойлашган учиш академияси орқали таклиф қилинган жуда манфаатли иш шароитларидан фойдаланган.
Британия расмийлари ўз учувчиларига хитойлик ҳарбийларга ҳеч қандай махфий маълумотни ошкор қилмасликни эслатиб, «кескин огоҳлантириш» эълон қилган.
Ҳозирча Британиянинг ҳеч бир собиқ учувчиси Хитойда машғулот ўтказиш орқали расмий сир қонунларини бузгани ҳақида далил йўқ, аммо расмийлар хавфни камайтириш учун чоралар кўраётгани айтилди.
Эслатиб ўтамиз, 18 октябрь, сешанба куни Буюк Британия мудофаа вазири Бен Уоллес Украинага оид хавфсизлик масалаларини муҳокама қилиш учун зудлик билан АҚШга учиб кетди.
Изоҳ (0)