Россиянинг Хакасия Республикаси Абакан шаҳрига ишлаш мақсадида бориб, меҳнатга лаёқатсиз бўлиб қолган фуқаро Ўзбекистонга қайтарилди.
Ташқи меҳнат миграцияси агентлигининг маълум қилишича, фуқаро Қ.Р. у ерга 2022 йилнинг январь ойида ишлаш мақсадида борган. Қурилиш объектида ишлаётган вақтида бахтсиз ҳодисага учраган ва бир неча кундан кейин қоқшол ташхиси билан Абакан шаҳрининг тез тиббий ёрдам шифохонасига ётқизилган.
Фуқаро меҳнатга лаёқатсиз бўлиб, мураккаб молиявий аҳволда қолади ва Ташқи меҳнат миграцияси агентлигидан Ўзбекистонга қайтаришда моддий ва амалий ёрдам беришни сўрайди.
Шундан сўнг у хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан Красноярск—Тошкент йўналиши бўйича авиачипта билан таъминланди ва Ўзбекистонга қайтарилди.
Мавзуга доир:
Изоҳ (0)