Ташқи ишлар вазирлигида Чехия элчиси Вацлав Йилек билан учрашув бўлиб ўтди, деб хабар бермоқда «Дунё» ахборот агентлиги.
Қайд этилишича, мулоқот чоғида икки томонлама муносабатларга оид масалалар ва яқин келажакда режалаштирилган қўшма тадбирлар муҳокама қилинган.
Томонлар 2023 йилнинг биринчи ярмида сиёсий маслаҳатлашувларнинг навбатдаги раунди ва Иқтисодий, саноат ва илмий-техникавий ҳамкорлик бўйича ҳукуматлараро комиссиянинг 9-йиғилишини тайёрлаш бўйича келишувга эришган.
Икки мамлакат парламентлари ўзаро ташрифлар ва видеоконференцалоқа форматида музокаралар ташкил этиш орқали алоқаларни фаоллаштиришдан манфаатдор экани таъкидланган.
Томонлар ўзаро манфаатли алоқаларни мустаҳкамлаш, сиёсий, савдо-иқтисодий ва маданий-гуманитар соҳалардаги ҳамкорликни фаоллаштириш муҳимлигини қайд этган.
Учрашув натижасида турли йўналишларда, жумладан, спорт, оммавий ахборот воситалари ва мудофаа соҳаларида ҳамкорликни кенгайтириш бўйича келишувга эришилган.
Изоҳ (0)