Мадриднинг «Реал» клуби яқин орада Килиан Мбаппе ёки Эрлинг Ҳоландни олиб келиш ниятида эмас.
Marca’нинг хабар қилишича, мадридликлар клуби «ПСЖ» форварди ва «Манчестер Сити» ҳужумчиси трансфери устида ишлашни режалаштирмаяпти.
Мбаппенинг трансферига «ПСЖ» сўрайдиган юқори нархдан ташқари французнинг ўзини тутиши халал бермоқда. Килиан «ПСЖ» билан шартномани узайтирганидан афсусдалиги борасида Мадрид клуби раҳбарияти хабардор қилинган.
Бироқ «Реал» Мбаппенинг ўтган мавсумдаги «хиёнати» сабаб музокараларга киришни истамаган. Франциялик футболчи «Реал»да тўп суриш болаликдаги орзуси экани ҳақида айтиб, бир неча бор «Мадрид»га йўл олиши ҳақида гапирган, бироқ якунда парижликлар билан шартномасини узайтирганди.
Бундан ташқари раҳбарият Мбаппенинг келиши жамоанинг дўстона ички муҳитига салбий таъсир қилишидан қўрқмоқда. Шу боис «қаймоқранглилар» Мбаппе трансферидан воз кечган.
Ҳоланд борасида «Реал» кутишни маъқул кўрмоқда. Испан жамоаси 2024 йилнинг ёзига қадар норвегиялик футболчининг трансфери ҳақида ўйламайди.
Айни вақтда «Қироллик клуби» ёш марказий ҳужумчи қидириш билан банд.
Изоҳ (0)