Машҳурлар ажрими: Голливуднинг юлдузли жуфтликлари оиласи бузилишига сабаб бўлган ҳолатлар ҳақида гапирди

Машҳурларнинг ажрими деярли ҳар доим юқори даражадаги суд жараёнлари, ўзаро айбловлар ва оммавий ахборот воситаларининг диққат марказида бўлади. Қоида тариқасида, кўпчилик шунчаки ажрашиш сабабини тахмин қилади. Бироқ юлдузлар барча ҳақиқатни ва уларнинг севги қайиғи нима учун оилавий бўрондан омон қолмагани ҳақида очиқ гапиришга қарор қилди, деб ёзади Harper’s Bazaar Kazakhstan.

Бред Питт ва Женнифер Энистон

Бред Питт ва Женнифер Энистон беш йиллик муносабатдан кейин 2005 йилда ажрашди. «Ҳеч ким нотўғри иш қилмаган. Биз бир-биримизга фақат бахт тилаймиз. Нимани назарда тутганимни тушунгандирсиз? Баъзида шундай нарсалар ҳам содир бўлади», — деди Женнифер Энистон ажрим ҳақида.

Анжелина Жоли ва Бред Питт

Анжелина Жоли ва Бред Питт 2005 йилда учраша бошлаган, бироқ 2014 йилга келибгина турмуш қурган. Аммо орадан икки йил ўтиб, жуфтлик ажрашиш учун судга мурожаат қилган. Муваффақиятсиз никоҳда иккисининг ҳам айби бор эди, бироқ Бред Питт асосий сабаб сифатида ўзининг ичкиликка берилганини кўрсатди.

«Яъни, оила қурганимдан кейин ичишдан бошқа ҳамма нарсани тўхтатдим. Бу эса шунчаки муаммога айланди», — деди актёр.

Жоли, ўз навбатида, ажрашиш учун тўлиқ жавобгарликни ўз зиммасига олди:

«Ҳаммаси менинг айбим. Биз бирга ишлаган вақтларда учрашар эдик. Бу биз учун мулоқот қилишнинг яхши усули деб ўйладим. Қайсидир маънода шундай эди, лекин танганинг бошқа томони ҳам бор экан», — дея фикр билдирди Анжелина Жоли.

Ченнинг Татум ва Женна Деван

Ченнинг Татум 2009 йилда Женна Деван билан турмуш қурди, аммо эр-хотин 2018 йилда ажрашди.

«Биз кўп йиллар олдин бир-биримизни севиб қолдик ва бирга сеҳрли саёҳатга чиқдик. Бир-биримизни қанчалик севишимиз ҳақида мутлақо ҳеч нарса ўзгармади, лекин севги — бу бизни турли йўлларга олиб борадиган гўзал саргузашт. Бизнинг қароримиз замирида ҳеч қандай сир ёки одобсиз воқеалар йўқ, фақат иккита энг яхши дўст бор — улар бир-бирларига ёрдам бериш вақти келганини тушунади. Биз ҳали ҳам бир оиламиз ва ҳамиша Эверлининг меҳрибон, садоқатли ота-онаси бўлиб қоламиз», — дея мухлисларга ажрими ҳақда маълум қилган собиқ жуфтлик.

Эштон Катчер ва Деми Мур

Эштон Катчер ва Деми Мур орасидаги 16 ёш фарқни ҳисобга олмаганда ажойиб жуфтлик эди. Улар 2005—2011 йилгача бир оила бўлиб яшади.

«Мен Эштон билан олти йиллик турмушимни тугатишга катта қайғу ва оғриқ билан қарор қилдим. Аёл, она ва рафиқа сифатида мен муқаддас деб биладиган маълум қадриятларим ҳамда қасамларим бор ва улар билан бирга ҳаёт кечираман», — деди Деми Мур ўзининг ажрашиш ҳақидаги баёнотида эрининг хиёнатига ишора қилиб.

Орландо Блум ва Миранда Керр

Орландо Блум ва Миранда Керр 2013 йилда уч йиллик никоҳдан кейин ажрашди. Супермодель уларнинг муносабатлари бир-бирларида яхши таассурот қолдирмаганини айтиб ўтган. Аммо у ораларида ҳеч қандай адоват йўқлиги, доимо дўст бўлиб қолишини қўшимча қилган.