Маълум бўлишича, Сассекс герцоги Гарри номи билан танилган бўлса-да, унинг қонуний исми Генри, деб ёзади «Новий очаг».
WellChild Awards мукофотига сазовор бўлган болалар билан видео қўнғироқ пайтида Шаҳзода Гарри кутилмаган янгилик билан бўлишди. Соғлиғида жиддий муаммо билан туғилган 4 ёшли Генри Уэйнс ва унинг ота-онаси билан суҳбатда Сассекс герцоги бепарволик билан Гарри унинг ҳақиқий исми эмаслигини айтиб ўтди.
«Менинг исмим ҳам Генри. Лекин ҳамма мени Гарри деб чақиради. Сабабини билмайман», — дейди шаҳзода.
Маълум бўлишича, ҳақиқатан ҳам шундай. Қирол Чарльз III нинг кенжа ўғлига Генри Чарльз Алберт Дэвид деб исм берилган. Туғилганлик тўғрисидаги гувоҳномада кўрсатилганига қарамай, деярли ҳамма шаҳзодани Генри эмас, балки Гарри деб чақиришининг сабаби аниқ эмас. Генри номи эски французча Анри (Ҳенри) номидан келиб чиққан, аммо вақт ўтиши билан (ўрта асрларда) инглизча версия — Гарридан фойдалана бошланди. Генрих деб аталган монархларнинг кўпчилиги ҳам ўша пайтда Гарри деб чақирилган.
Малика Диана ва шаҳзода Чарльз иккинчи ўғлининг исмини эълон қилганда, сарой расмий равишда уни шаҳзода Генри Чарльз Алберт Дэвид, лекин оиласи ва дўстлари шунчаки Гарри деб номлашини айтган.
Шаҳзодани болалигидан Кенсингтон саройи, матбуот ва жамоатчилик оилавий Гарри исми билан чақира бошлади. Бироқ қирол оиласи аъзолари расмий баёнотларда унинг ҳақиқий исмини ҳам кўрсатиши мумкин. Мисол учун, шаҳзода Гаррининг Меган Маркл билан унаштируви эълон қилинганида, Букингем саройи баёнотида шундай дейилган: «Уэльс шаҳзодаси Генри ва Меган Маркл хоним унаштирилди ва турмуш қуриш арафасида».
Изоҳ (0)