Футбол бўйича Испания Ла Лигасининг 9-турида «Реал» 16 октябрь, якшанба куни «Барселона»ни қабул қилди.
Учрашувнинг 12-дақиқасида Карим Бензема майдон эгаларининг дастлабки голига муаллиф бўлди. 35-дақиқада Федерико Вальверде жарима майдони ташқарисидан дарвозани аниқ нишонга олиб, ҳисобни ишончли кўринишга олиб келди.
83-дақиқада каталонлар ҳисобни қисқартиришга эришди: Ансу Фатининг қанотдаги рейдидан кейин юзага келган хавфли вазиятдан кейин Ферран Торрес бўш қолган дарвозани ишғол қилди. Ўйин якунланиши арафасида мадридликлар пенальти ишлаб олди. 11 метрлик жарима зарбасини Родриго муваффақиятли ижро этди.
Ушбу ғалаба эвазига «Реал» очколарини 25 тага етказиб олган ҳолда биринчи ўринга кўтарилди. Лига мавсумидаги илк мағлубиятни қабул қилиб олган «Барселона» 22 очко билан иккинчи ўринда қолди.
Ла Лига
9-тур баҳслари
16 октябрь, якшанба
«Реал Мадрид» – «Барселона» 3:1
Голлар: 1:0 – 12 Бензема, 2:0 – 35 Вальверде, 2:1 – 83 Ферран Торрес, 3:1 – 90+1, пенальти Родриго.«Реал Мадрид»: Лунин, Карвахаль (Рюдигер, 88), Алаба, Милитао, Менди, Модрич (Камавинга, 78), Кроос, Тчуамени, Вальверде, Бензема (Асенсио, 88), Винисиус Жуниор (Родриго, 85).
«Барселона»: тер Стеген, Серхи Роберто, Кунде, Эрик Гарсия, Бальде (Альба, 60), Бускетс (Гави, 60), де Йонг, Педри (Кессиэ, 83), Левандовски, Дембеле (Фати, 73), Рафинья (Ферран Торрес, 60).
Огоҳлантиришлар: Винисиус Жуниор (30), Модрич (75), Гави (81).
Изоҳ (0)