Futbol bo‘yicha Ispaniya La Ligasining 9-turida “Real” 16-oktabr, yakshanba kuni “Barselona”ni qabul qildi.
Uchrashuvning 12-daqiqasida Karim Benzema maydon egalarining dastlabki goliga muallif bo‘ldi. 35-daqiqada Federiko Valverde jarima maydoni tashqarisidan darvozani aniq nishonga olib, hisobni ishonchli ko‘rinishga olib keldi.
83-daqiqada katalonlar hisobni qisqartirishga erishdi: Ansu Fatining qanotdagi reydidan keyin yuzaga kelgan xavfli vaziyatdan keyin Ferran Torres bo‘sh qolgan darvozani ishg‘ol qildi. O‘yin yakunlanishi arafasida madridliklar penalti ishlab oldi. 11 metrlik jarima zarbasini Rodrigo muvaffaqiyatli ijro etdi.
Ushbu g‘alaba evaziga “Real” ochkolarini 25 taga yetkazib olgan holda birinchi o‘ringa ko‘tarildi. Liga mavsumidagi ilk mag‘lubiyatni qabul qilib olgan “Barselona” 22 ochko bilan ikkinchi o‘rinda qoldi.
La Liga
9-tur bahslari
16-oktabr, yakshanba
“Real Madrid” – “Barselona” 3:1
Gollar: 1:0 – 12 Benzema, 2:0 – 35 Valverde, 2:1 – 83 Ferran Torres, 3:1 – 90+1, penalti Rodrigo.“Real Madrid”: Lunin, Karvaxal (Ryudiger, 88), Alaba, Militao, Mendi, Modrich (Kamavinga, 78), Kroos, Tchuameni, Valverde, Benzema (Asensio, 88), Vinisius Junior (Rodrigo, 85).
“Barselona”: ter Stegen, Serxi Roberto, Kunde, Erik Garsiya, Balde (Alba, 60), Buskets (Gavi, 60), de Yong, Pedri (Kessie, 83), Levandovski, Dembele (Fati, 73), Rafinya (Ferran Torres, 60).
Ogohlantirishlar: Vinisius Junior (30), Modrich (75), Gavi (81).
Izoh (0)