Фарғонада аёлнинг пластик картасидан 13 миллион 500 минг сўм пулни ечиб олган эркакка жиноят иши қўзғатилди. Бу ҳақда «Дарё»га вилоят ИИБ ахборот хизмати маълум қилди.
Қайд этилишича, Тошлоқ туманида яшовчи А.Н. исмли аёл ички ишлар бўлимига мурожаат қилиб, 2022 йилнинг 22 июнь куни номаълум шахс Telegram ижтимоий тармоғи орқали ишончига кириб, пластик картасидан 13 миллион 500 минг сўм пулни ечиб олганини маълум қилган.
Мазкур ҳолат юзасидан Тошлоқ тумани ИИБ ҳузуридаги тергов бўлинмаси томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилган.
Олиб борилган тезкор суриштирув ишлари натижасида ушбу жиноятни А.Ў. исмли шахс содир этгани аниқланиб, унга нисбатан суд томонидан «қамоққа олиш» тарзидаги эҳтиёт чораси қўлланилган.
Ҳозирда ҳолат Жиноят кодексининг 169-моддаси (ўғрилик) 3-қисми «б» бандига қайта малакаланиб, тергов ҳаракатлари олиб борилмоқда.
Изоҳ (0)