Наманганнинг Мингбулоқ туманида ер майдони савдоси билан боғлиқ фирибгарлик ҳолати фош этилди, деб хабар бермоқда Бош прокуратура ҳузуридаги департамент.
Маълум қилинишича, департаментнинг Мингбулоқ туман бўлими томонидан ДХХ билан ҳамкорликда ўтказилган тезкор тадбирда, «Р.К.» фермер хўжалиги раҳбари Д.Э. фуқаро Д.га ушбу фермер хўжалигига ўрмончилик ташкил этиш мақсадида ижарага берилган 2 гектар ер майдонини ўзиники эканлигини айтиб, эвазига 15 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)