Агар 2023 йилда нимани томоша қилишни билмоқчи бўлсангиз, ҳозирдан танлашни бошлашингиз мумкин. Айниқса, турк сериалларининг мухлиси бўлсангиз.
«Қушлар парвози» / Иккинчи мавсум
Иброҳим Челликол ва Бирже Акалай дуэтининг мухлисларини хурсанд қилиш учун «Қушлар парвози» сериалининг биринчи мавсуми шу қадар юқори рейтингларни кўрсатдики, Netflix уни иккинчи мавсумига ҳам буюртма берди. Сюжет воқеалари ҳозирча маълум эмас.
Катта эҳтимол билан лойиҳада сюжет воқеаларини ривожлантирадиган янги актёрлар бўлади. Аммо бу Бирже ва Иброҳимни кўрмаймиз дегани эмас, чунки уларнинг қаҳрамонлари сериалда асосий рол ўйнайди.
«Шоҳморон»
2021 йилнинг ёзида Netflix турк сериали «Шоҳморон» устида иш бошланганини эълон қилди. Шоҳморон — афсонавий араб мавжудоти. Кўпинча у думида аёл юзи бўлган илон сифатида тасвирланган. Ғалати махлуқ ролида Керем Бурсиннинг собиқ севгилиси Серенай Сарикайни кўрамиз
Мазкур сериал деярли барча шарқ мамлакатларида маълум бўлган илонлар маликаси ҳақидаги қадимий афсона ҳақида. Бош қаҳрамон ролини Бурак Дениз ижро этади.
«Pera Palace меҳмонхонасидаги тун» / Иккинчи мавсум
Премьера 2023 йилда бўлиб ўтиши ваъда қилинган, шунинг учун лойиҳа устида иш қизғин давом этмоқда. Инсайдерларнинг сўзларига кўра, актёрлар таркиби ўзгаришсиз қолган ва лойиҳа муваффақиятидан кейин продюсерлар маблағни кўпайтиришган. Демак, янги мавсумда бизни янада чиройли манзаралар ва либослар, ажойиб махсус эффектлар кутмоқда.
«Қайноқ бош»
Netflix’нинг яна бир турк сериали «Қайноқ бош» мамлакат учун ноодатий — антиутопия жанрида суратга олинади. Сюжетга кўра, илмий-фантастик лойиҳа бутун дунёни қамраб олган жиннилик эпидемияси ҳақида ҳикоя қилади. Касал бўлиш осон: кимдир билан гаплашишнинг ўзи кифоя. Аммо ҳаммасини ўзгартира оладиган битта одам бор.
«Тикувчи»
Мухлислар ушбу сериални бир йилдан бери интиқлик билан кутишмоқда. Лекин негадир Netflix премьерани кейинга қолдирмоқда. Сюжетга кўра, Паям (Чиғатой Улусой) машҳур тикувчи. Бобоси вафот этгач, руҳий касал бўлган отаси Мустафо билан Истанбулга келади. Паям учун ақли заиф отасининг борлиги ҳам уят. «Тикувчи» сериали унинг қийин ҳаёти ҳақида ҳикоя қилади, у ўз мижози, келинлик кўйлагини тикиши керак бўлган келинни севиб қолади.
«Қабристон» / Иккинчи мавсум
Иккинчи мавсум учун тасдиқланган Бирже Акалай билан яна бир сериал. Биринчисининг сюжетига кўра, унинг қаҳрамони психопат қурбонига айланган аёлларга боғлиқ жиноятларни текширади. Рейтингларга кўра, лойиҳа «Қушлар парвози»дан ҳам яхшироқ бўлган, шунинг учун продюсерлар томошабинларни хурсанд қилишга қарор қилган бўлса, ажаб эмас.
Изоҳ (0)