«Титаник»да Гвинет Пелтроу, Жейсон Born ролида Бред Питт ва Жеймс Бонд ролида Хью Жекман? Ҳа, агар тарих бироз бошқача бўлганида бутунлай бошқа фильмларни томоша қилган бўлардик. Аниқроғи, улардаги қаҳрамонлар бутунлай бошқача кўринишга эга бўларди.
Жеймс Бонд «Royal казиноси»да Хью Жекман
Росомаха роли ижрочиси 2013 йил февраль ойида The Hollywood Reporter нашрига берган интервьюсида: «Бу рол мени катакка олиб боради деб ўйлагандим. Табиий инстинктим эркинлик туйғусини сақлаб қолиш учун имкон қадар эшикларни кўпроқ очиб туришимни айтади», — деган. Охир-оқибат аввал Шон Коннери, Рожер Мур ва Пирс Броснан ижро этган 007 роли Дэниэл Крейгга насиб этади.
Marvel комиксларидаги «Қора бева»да Эмили Блант
Британиялик актриса «Темир одам-2» фильмидаги Қасоскорлардан бирининг ролидан воз кечади. 2014 йил декабрь ойида Эмили Vulture журналига берган интервьюсида «Бошқа лойиҳалар учун банд бўлган иш жадвалимда бу фильмга вақт топа олмагандим», — деган.
«Матрица»да Уилл Смит
«Мен ўзимни бу ролда кўрмаганман, — дейди Уилл Wired журналига бу ролни рад этгани ҳақида. — Бу гапни камдан кам ҳолларда айтаман. Мен бу фильмни бузган бўлардим. Аммо мен актёр сифатида йўқ дейиш учун етарлича ақлли эдим, Kiaну эса ҳа, деб айтишга ақли етарди».
«Гўзал аёл» фильмида Молли Рингвалд
80 йилларнинг ўсмирлар фильмлари маликаси 90 йилларнинг катталар киноси қироличасига айланиши мумкин эди, афсуски, классик мелодрамадаги рол ва дунё миқёсидаги шон-шараф бошқа актрисага ўтиб кетади. «Бу фильмни Жулия Робертс яратди», — дейди Молли 2012 йил апрель ойида Reddit’да. Ҳар бир актёр «Гўзал аёл» фильмидаги Жулия каби порлаши мумкин бўлган фильмда рол ўйнашни орзу қилади.
«Жерри Магуайр»да Том Хенкс
«Сценарийни ёзиш шу қадар узоқ давом этадики, фильмда 35 ёшга тўлмаган қаҳрамон ролини ўйнаши керак бўлган Том Хенкс ўша пайтда 40 ёшда эди. Бундан ташқари, у аллақачон 2 та «Оскар»га эга бўлиб, режиссёр сифатида ўзи фильм суратга олиш истагида бўлган», — дейди фильмнинг сценарий муаллифи ва режиссёри Кемерон Кроу 1997 йилда Empire журналига верган интервьюсида. Жерри роли бошқа Том — Крузга ўтади.
«Титаник»да Гвинет Пелтроу
Тасаввур қила оласизми, бу актриса Ди Каприо билан кеманинг тумшуғида турибди? 1997 йилда Гвинет тарихдаги энг юқори даромад келтирувчи («Аватар»дан кейин иккинчи ўрин) фильмлардан бирида рол ўйнаш учун барча имкониятларга эга эди. Лекин у бу ролни рад этди. «Мен ҳаётда қабул қилган қарорларимни эслаб, нега баъзида «ҳа», бошқаларда «йўқ» деганимни тушунолмайман», — деди Гвинет 2015 йил январь ойида Ховард Стернга берган интервьюсида. «Онам рол ўйнашдан бош тортган фильмларим ҳақида билса, мени ўлдиради. Унинг айтишича, бундай афсуслар ҳақиқий хонимга ярашмайди».
Бред Питт «Born» фильмида
Бу рол нафақат Питтга, балки Расселл Кроу ва Силвестр Сталлонега ҳам таклиф қилинган. Аммо Born роли Мэтт Деймонга насиб этади. Яқин орада экранларда махсус агент саргузаштларининг тўртинчи қисми пайдо бўлганини инобатга олсак, режиссёрлар бош ролга актёр танлашда адашмаган, деб ҳисоблаш мумкин.
Изоҳ (0)