Баъзилар ҳамма яхши фильмлар аллақачон суратга олинган ва томоша қилиш учун ҳеч нарса йўқ деб даъво қилишади. Бироқ премьераларга эътибор берсангиз, кўплаб қизиқарли кинолар, анимацион фильмлар ва телекўрсатувларни топишингиз мумкин. Мисол учун, тез орада сиз афсонавий «Аватар», «Жодуланган малика»нинг давомини кўришингиз ва Аддамслар оиласи муҳитига шўнғишингиз мумкин бўлади.
«Жодуланган малика-2»
Фильмнинг биринчи қисми 2007 йил октябрь ойида намойиш этилган ва жамоатчилик томонидан илиқ кутиб олинганди. Ҳақиқий кадрлар ва мультфильм аралашмаси малика Жизелнинг ҳикоясини ажойиб тарзда очиб берган. Биринчи қисмда у севгилиси билан Нью-Йоркда қолади.
2022 йил ноябрь ойида эса ушбу ҳикоянинг давомини кўриш мумкин бўлади. Жизелнинг янги ҳаётида ҳаммаси яхши эмас, чунки у эртакнамо ўрмондаги аввалги ҳаётини соғинишни бошлайди.
Премьера: 2022 йил ноябрь
«Ғалати дунё»
Ушбу мультфильм фантастик мавжудотлар яшайдиган ерни ўрганиш учун саёҳатга чиққан оиланинг саргузаштлари ҳақида ҳикоя қилади. Фильм трейлеридан кўриш мумкинки, сюжетда оилавий низолар ва мустақиллик мавзуси етакчилик қилади, чунки бош қаҳрамонлардан бири бутун умри давомида машҳур отасининг соясида яшаган.
Премьера: 2022 йил ноябрь
«Аватар: Сув йўли»
Биринчи фильм — «Аватар» 2009 йилда омадли чиқди. Орадан 13 йил ўтиб, Жеймс Кемерон Жейк Салли ва унинг ўзга сайёралик севгилиси Нейтирининг ҳикояси давом этадиган «Аватар: Сув йўли» картинасини тақдим этишга тайёр.
Премьера: 2022 йил декабрь
«Розалин»
Ромео ва Жульетта ҳикоясини ҳамма билади. Аммо асл спектакль матнини ўқисангиз, Ромео Жульетта билан танишишдан олдин ўша пайтда ошиқ бўлган Розалин билан учрашгани аён бўлади. Фильм айнан шу воқеага бағишланган — машҳур жуфтликка собиқ севгилиси томонидан қараш.
Премьера: 2022 йил октябрь
«Венздей»
Ушбу сериал чоршанба куни Аддамслар оиласида туғилган Венздейга бағишланади. Томошабинлар бу ғайриоддий оила билан 1991 йилда «Аддамслар оиласи» фильми чиққанида танишган. Энди эса Венздей оддий мактабда, кейин эса Невермор академиясида бошқа ўсмирлар билан қандай муносабатда бўлишини томоша қилиш мумкин.
Премьера: 2022 йил октябр
«Ҳайвонлар шаҳри»
2016 йилда «Ҳайвонлар шаҳри» мультфильми экранларга чиқди ва кўпчилик масъулиятли қуён Жуди Хоппс ва маҳмадона тулки Ник Уайлднинг саргузаштларини ёқтириб қолди. Кўпгина машҳур ҳикоялар сингари бу ҳикоянинг ҳам давоми бор. 2022 йил ноябрь ойида «Ҳайвонлар шаҳри+» сериалининг биринчи қисмини томоша қилишингиз ва яна бир бор саргузаштларга тўла қизиқарли ҳайвонлар шаҳри атмосферасига шўнғишингиз мумкин бўлади.
Премьера: 2022 йил ноябрь
«Дадамнинг аждари»
Том Мур кино мухлислари орасида жуда истеъдодли аниматор сифатида танилган. Унинг барча асарлари сеҳр ва жодуга тўла: «Келлар сири», «Денгиз қўшиғи», «Бўрилар афсонаси». Шунинг учун кўпчилик унинг янги «Дадамнинг аждари» мультфильмини интиқлик билан кутмоқда. Бу тасодифан аждаҳони топиб олган ва сирли Ёввойи оролни қутқариш учун у билан саргузаштга отланган оддий бола Элмер ҳақидаги ҳикоя.
Премьера: 2022 йил ноябрь
«Меню»
Ушбу фильм ажойиб актёрлар таркибига эга. Бош ролларда Релф Файнс, Аня Тэйлор-Жой ва Николас Холт. Сюжетга кўра, ёш эр-хотин таниқли ошпаз билан кечки овқат учун узоқ оролга боради. Ҳаммаси яхшидек эди, лекин тез орада ҳамма нарса унчалик оддий эмаслиги аён бўлади. Трейлернинг атиги 2 дақиқасидан сўнг фильм сюжети мафтункор, шу билан бирга даҳшатли эканлигини тушунишингиз мумкин.
Премьера: 2022 йил ноябрь
«Уиллоу»
Фантазия мухлислари 2022 йил ноябрь ойида премьераси бўладиган «Уиллоу» сериалига эътибор қаратишлари керак. Сюжет халқ эртаги қаҳрамони, камтар деҳқон ва ёш сеҳргар Уиллоу атрофида содир бўлади. Бир куни у янги туғилган қизчани топиб олади ва уни ҳимоя қилишга қарор қилади, чунки қадимги башоратга кўра, у кучли сеҳргарнинг қудратини йўқ қилиши мумкин.
Изоҳ (0)