1970 йилдан 2018 йилгача бўлган даврда сайёрадаги ёввойи ҳайвонлар сони 69 фоизга қисқарган. Бу ҳақда Жаҳон ёввойи табиат фонди (WWF — World Wildlife Fund)нинг «Жонли сайёра — 2022» маърузасида айтилади. Ўрмон дарахтларининг кесиб ташланиши, океанларнинг ифлосланиши ва иқлим ўзгариши — бунинг асосий сабаблари. Келажакда биохилма-хилликнинг камайиши янада кучайиб бораверади, деган фикрда маъруза муаллифлари.
Ҳар хил сутемизувчилар, қушлар, амфибиялар, судралиб юрувчилар ва балиқларнинг 32 мингта тури ҳақидаги маълумотларни ўз ичига олувчи WWF жонли сайёра индекси уларнинг сони бутун дунё бўйлаб пасайишда тезлашаётганини кўрсатмоқда. Аниқлик киритилишича, икки йил аввал йўқолиб бораётган ёввойи ҳайвонлар улуши 68 фоизни, 2018 йилда — 60 фоизни ташкил қилган.
Шу билан бирга, 48 йил мобайнида энг кўп Лотин Америкаси ва Кариб ҳавзасида ёввойи ҳайвонлар сони қисқарган, шу жумладан, Амазонкада камайиш 94 фоизни ташкил этган. WWF’нинг Буюк Британия бўлинмаси ижрочи директори Тани Стилнинг фикрича, бунинг асосий сабаби Амазонкани машҳур қилган тропик ўрмонларнинг кесилишидир.
Ёввойи ҳайвонлар камайиши бўйича энг паст кўрсаткич Европа ва Марказий Осиёда қайд этилди, у ерда бу 18 фоизга тенг бўлди.
Тадқиқотчилар ҳайвонлар ер усти ландшафтлари бўйлаб ҳаражатланиш чоғида дуч келаётган қийинчиликлар кўпайганига эътибор қаратди. Гап жониворларнинг эркин кўчиб юришига тўсқинлик қилаётган катта сонли инфратузилма объектлари ҳақида бормоқда.
Изоҳ (0)