Жаҳон соғлиқни сақлаш ташкилотининг (ЖССТ) ҳафталик эпидемиологик ҳисоботи маълумотларига кўра, бир ҳафта давомида дунёда COVID-19 билан касалланиш 10 фоизга, ўлим даражаси эса 1 фоизга камайди.
3—9 октябрь оралиғида дунёнинг барча ҳудудларида коронавирус билан касалланиш даражаси пасайди, айниқса Африка (41 фоизга), Жануби-Шарқий Осиё (25 фоизга) ва Ғарбий Тинч океани минтақасида (21 фоизга) энг кўп камайиш кузатилди.
Бир ҳафта ичида дунё бўйлаб деярли 2,9 миллион кишида коронавирус аниқланди.
Коронавирусдан ўлим АҚШ ва Тинч океанининг ғарбий минтақаларидан ташқари барча ҳудудларда камайди. Ушбу минтақаларда ўлим даражаси мос равишда 11 ва 1 фоизга ошди. Ўлимлар бўйича энг катта пасайиш Африкада (53 фоизга) ва Жануби-Шарқий Осиёда (23 фоизга) қайд этилган.
Умуман олганда, ҳафта давомида дунё бўйлаб COVID-19 туфайли 9 минг ўлим қайд этилди.
Бутун пандемия даврида дунёда 623 миллиондан ортиқ одамда коронавирус аниқланган ва касаллик оқибатларидан 6,5 миллиондан ортиқ одам вафот этган.
Изоҳ (0)