Россияда сафарбарлик давом этмоқда — Санкт-Петербурглик тиббиёт ходимларига МДҲ ҳудудидан ташқарига чиқиш тақиқланди. 12 октябрь куни Белгородда камида олтита портлаш овози эшитилди. Минтақа расмийларининг таъкидлашича, ўққа тутиш ва ҳаво ҳужумидан мудофаа тизимларининг ишлаши оқибатида бир қанча кўчаларда автомобиль ва йўл қопламасига «бироз зарар етган». Украинада ҳарбийлар озод қилинган ҳудудларни текшириб чиқмоқда. Meduza урушнинг 231-кунидан асосий фотосуратларни эълон қилди.
Россияда сафарбар қилинганларни кузатиш ва тиббий кўрик
Изҳевскда сафарбар қилинганларни кузатиш. Октябрь ойининг бошига келиб, мустақил ҳисоб-китобларга кўра, Россияда 213 минг киши сафарбар қилинган.Фото: «Коммерсантъ»
Ставропол ўлкасида сафарбар этилганлар Маданият ва дам олиш марказида тиббий кўрикдан ўтказилмоқда. Сафарбарлик эълон қилингандан сўнг, Россия Мудофаа вазирлиги 300 мингга яқин одамни хизматга чақиришни режалаштираётгани ҳақида маълум қилганди. Шу билан бирга, манбалар, жумладан, Meduza ҳам камида бир миллион киши ҳарбий хизматга чақирилиши ҳақида хабар берган.Фото: «ТАСС»
Украинадаги урушга сафарбар қилинаётган россияликлар Москвадаги кўча бўйлаб юрмоқда.Фото: Anadolu
Херсон яқинидаги озод қилинган қишлоқ
Болшая Александровка қишлоғидаги дарвозада «З даври» ва «Миналанган» ёзувлари. Қишлоқ октябрь бошида Украина Қуролли кучлари томонидан қайтариб олинди.Фото: AP Photo
Болшая Александровка қишлоғида мажақланган машиналар ёнидан ўтаётган киши.Фото: AP Photo
Болшая Александровкада яшовчи 72 ёшли аёл уйининг ертўласидан чиқмоқда. Унинг сўзларига кўра, олти ойдан ортиқ давом этган Россия истилосидан кейин ҳам у ва дўстлари ҳар кеча шу ертўлада тунамоқда.Фото: AP Photo
Болшая Александровкада маҳаллий аҳоли вакили шикастланган автобус ёнидан ўтмоқда.Фото: AP Photo
Болшая Александровкадаги вайрон қилинган кўприк.Фото: AP Photo
Украина жанубида рус армиясидан қолган окоплар
Украина ҳарбийлари Херсон вилоятида Россия аскарлари томонидан қазилган окопларни текширмоқда. Ҳозир бу ҳудуд Украина Қуролли кучлари назорати остида.Фото: AP Photo
Херсон вилоятидаги рус окоплари ёнида ётган противогаз.Фото: AP Photo
Рус ҳарбийлари томонидан ошхона сифатида фойдаланиладиган окоп.Фото: AP Photo
Херсон вилоятида рус аскарлари қолдирган окоплар. 13 октябрь куни Украина Қуролли кучлари Бош штаби Токаревка қишлоғи яқинидаги минтақада «юқори аниқликдаги ўт очиш натижасида» Россия 150 нафар аскарини йўқотгани ҳақида маълум қилди.Фото: AP Photo
Изюмда гуманитар ёрдам тарқатиш
Изюм аҳолиси украиналик кўнгиллилардан озиқ-овқат ва зарур нарсаларни олмоқда. Сентябрь ойи бошидан буён шаҳар аҳолиси газ, электр ва сувсиз кун кечирмоқда.Фото: AP Photo
Изюмда гуманитар ёрдам тарқатиш. Изюм аҳолиси ярим йилни Россия босқинида ўтказди. Кузнинг бошида Украина Қуролли кучлари қарши ҳужумга ўтди ва 10 сентябрь куни шаҳарни озод қилди.Фото: AP Photo
Изюмда гуманитар ёрдам.Фото: AP Photo
Изюм шаҳрида яшовчи киши кўнгиллилар томонидан тарқатилган озиқ-овқатларни уйига олиб келмоқда. Олти ойлик Россия босқини даврида, Украина расмийларига кўра, шаҳарда турар жой бинолари, касалхоналар ва мактабларнинг 90 фоизи вайрон бўлган, 24 февралгача 50 минг кишидан иборат бўлган аҳолининг мингга яқини ҳалок бўлган.Фото: AP Photo
Изоҳ (0)