«Бавария» Чемпионлар Лигасининг 4-тури доирасида кечган «Виктория»га қарши ўйинда 4:2 ҳисобида ғалаба қозонди ва муддатидан аввал плей-офф масаласини ҳал қилди.
Мюнхен клуби кетма-кет 15 мавсумдан бери ЕЧЛда гуруҳни муваффақиятли тугатмоқда. 2007/08 йилги мавсумда клуб УЕФА Кубогида ўйнаганди.
Бу борада актив серия қайд этаётган клублар орасида фақат «Реал» немис клубидан олдинда — Мадрид жамоаси кетма-кет 20 йилдан бери плей-оффга чиқяпти.
Немис жамоаси 11 марта плей-офф масаласини икки тур аввал ҳал қилди. «Бавария» бу борада «Барселона»ни (10) ортда қолдирди. Рекордчи «Реал» ҳисобланади (12).
«Бавария» мусобақа гуруҳ босқичидаги ғалабали сериясини 11 та ўйинга етказиб, рекордли сериясини давом эттирди. Сўнгги бор мюнхенликлар 2020 йилнинг 1 декабрида «Атлетико»га қарши баҳсда (1:1) очко йўқотганди.
Изоҳ (0)